અમદાવાદ ટ્રાફિક સમસ્યાને મામલે ડેપ્યુટી મ્યુનિસિપલ કમિશ્નર મુકેશ ગઢવીનુ નિવેદન

અમદાવાદમાં ટ્રાફિક સમસ્યાના કારણે ટ્રાફિક વિભાગ દ્વારા કાર્યવાહી શરૂ કરવામાં આવી છે. ત્યારે હવે આ મામલે અમદાવાદ મ્યુનિસિપલ કોર્પોરેશનના ડેપ્યુટી કમિશ્નર મુકેશ ગઢવીએ નિવેદન આપ્યુ છે કે AMC દ્વારા શહેરમાં 25 નવા પાર્કિગ પ્લોટ બનાવવામાં આવ્યા છે.

આ ઉપરાંત કમિશ્નર મુકેશ ગઢવીએ જણાવ્યું કે 21 જેટલા બ્રિજ નીચે પાર્કિંગની વ્યવસ્થા ગોઠવવામાં આવી છે. 3 મલ્ટી લેવલ પાર્કિંગ વ્યવસ્થા ગોઠવાઈ છે. 

વધુમાં તેમણે કહ્યું કે મોલ કોમર્શિયલ કોમ્પેલક્ષમાં 20 ટકા પબ્લિક પાર્કિંગ હોય છે. આ મામલે તંત્ર દ્વારા 707 બિલ્ડીંગોને નોટિસ અપાઈ છે અને રાજપથ ક્લબ પણ સીલ કરવામાં આવ્યો હતો.

આ ઉપરાંત તમને જણાવીયે તો અમદાવાદ ટ્રાફિક વિભાગની નો-પાર્કિંગ ઝોન ઝુંબેશ શરૂ કરવામાં આવી છે. સી.એન. વિધાલય નજીક ટ્રાફિક પોલીસે વાહનોને ટોઇંગ કર્યા હતાં. 

ટ્રાફિક પોલીસે દ્વારા વાહનોના ટોઇંગ દરમ્યાન વાહનચાલક અને પોલીસ વચ્ચે ઘર્ષણ થયુ હતું. પોલીસે 6 યુવકોની અટકાયત કરી તપાસ શરૂ કરી છે.