કાર્યવાહી / CBI એક્શનમાં આવતાં રાજકોટનો લાંચિયા ડેપ્યુટી PF કમિશનર ફરાર, 2 લાખ લેતો વચેટિયો ઝડપાયો

• PF કચેરીના ડેપ્યુટી કમિશનરના વેચેટીયાને લાંચ લેતા ઝડપ્યો 
• 2 લાખની લાંચ લેતો ચિરાગ નામનો વચેટિયો ઝડપાયો
• ડેપ્યુટી કમિશનર CBIની પકડથી દૂર, મકાન સિલ કરાયું

વર્તમાનમાં લાંચ લેવાના કિસ્સાઓ વધી રહ્યાં છે, મોટા મોટા અધિકારીઓ વિવિધ કામકાજ માટે લાંચ લેવાના કિસ્સાઓ સામે આવી રહ્યાં છે. રાજકોટમાં PF કચેરીના ડેપ્યુટી કમિશનરનો વેચેટીયાને ઝડપ્યો છે. CBIએ ડેપ્યુટી કમિશનરની ઓફિસે ટ્રેપ ગોઠવાઈ હતી. જે CBIની ટ્રેપમાં 2 લાખની લાંચ લેતો ચિરાગ જસાણી નામનો વચેટિયો ઝડપાયો હતો.

ચિરાગના 3 દિવસના રિમાન્ડ મંજૂર
એજન્ટે 12 લાખ રૂપિયામાં કોન્ટ્રાક્ટર સાથે સેટિંગ કર્યું હતું. જેમાં 12 લાખમાંથી 2 લાખ રૂપિયા લેવા સમયે CBIએ ધરપકડ કરી હતી. PFના ડેપ્યુટી કમિશનર નિરંજનસિંઘ CBIની પકડથી દૂર છે. તેમજ CBIએ ડેપ્યુટી કમિશનરનું મકાન સીલ કર્યું છે. અત્રે તમને જણાવી દઈએ કે, વચેટિયા ચિરાગ જસાણીને અમદાવાદની કોર્ટમાં રજૂ કરાયો છે. અમદાવાદ કોર્ટે ચિરાગના 3 દિવસના રિમાન્ડ મંજૂર કર્યા છે.

CBIને ફરિયાદ મળી હતી
ડેપ્યુટી કમિશનરને આંગડિયામાં હવાલો આવતા CBIની તપાસના દાયરામાં આવ્યો હતો. જો કે,  કમિશનર અત્યારે પક્ડથી દૂર છે પરતું CBIએ તેના મકાનને સીલ કર્યું છે. અધિકારીએ 2004ના કવેરી કાઢી નાણા ઉધરાવતા હોવાનો આરોપ છે તેમજ ઉદ્યોગકારો અને સરકારી કોન્ટ્રાકટર પાસેથી નાણાં ઉધરાવતા હતા. ચિરાગ જસાણી નામનો એજન્ટ આ સેટિંગનો ખેલ પાડતો હતો. અત્રે તમને જણાવી દઈએ કે, સરકારી કોન્ટ્રાકટરએ 12 લાખમાં નક્કી કર્યાની ગાંધીનગર CBIને ફરિયાદ મળી હતી જે મામલે ચિરાગ જસાણીને CBIએ ડેપ્યુટી કમિશનર વતી લાંચ લેતા ઝડપી પાડ્યો હતો. તમને જણાવી દઈએ કે, ચિરાગ જસાણીની અક્ષર માર્ગ પર ઓફિસ આવેલી છે