ઉત્તર પ્રદેશના ડેપ્યુટી સીએમ કેશવ પ્રસાદ મૌર્યના દિકરાની ગાડીનો ભયંકર રીતે અકસ્માત થયો છે. જાલૌનમાં આલમપુર બાઈપાસ પાસે આ દુર્ઘટના થઈ હતી
યુપીના ડેપ્યુટી સીએમના દિકરાની ગાડી સાથે અકસ્માત
અકસ્માતમાં ગાડીના છોત્તરા ઉડી ગયા
માંડ માંડ બચ્યો દિકરો
ઉત્તર પ્રદેશના ડેપ્યુટી સીએમ કેશવ પ્રસાદ મૌર્યના દિકરાની ગાડીનો ભયંકર રીતે અકસ્માત થયો છે. જાલૌનમાં આલમપુર બાઈપાસ પાસે આ દુર્ઘટના થઈ હતી. જેમાં ડેપ્યુટી સીએમનો દિકરો માંડ માંડ બચ્યો છે. યોગેશ કુમાર મૌર્ય પોતાની ફોર્ચ્યુનર ગાડીમાં જઈ રહ્યો છે. જ્યાં તેમની ગાડી અને ટ્રેક્ટર વચ્ચે જોરદાર ટક્કર થઈ હતી. આ ઘટનાની જાણ થતાં જ કાલપી પોલીસ સ્ટેશનના અધિકારીઓ ત્યાં પહોંચી ગયા હતા.
બીજી વાર બન્યા ડેપ્યુટી સીએમ
આપને જણાવી દઈએ કે, કેશવ પ્રસાદ મૌર્ય બીજી વાર યોગી સરકારમાં ડેપ્યુટી સીએમ પદના શપથ લીધા હતા. કેશવ પ્રસાદ મૌર્ય સિરાથૂ વિધાનસભા સીટ પર સપા ઉમેદવાર પલ્લવી પટેલ સામે હારી ગયા હતા. જો કે, પાર્ટીએ તેમના પર ફરીથી વિશ્વાસ મુકીને ડેપ્યુટી સીએમ પદની કમાન સોંપી છે.
સંઘની પૃષ્ઠભૂમિ ધરાવતા નેતા
સંઘની પૃષ્ઠભૂમિમાંથી આવતા કેશવ પ્રસાદ મૌર્ય વિશ્વ હિન્દુ પરિષદ સાથે લાંબા સમયથી જોડાયેલા છે. સૌથી મોટી વાત એ છે કે, કેશવ પ્રસાદ મૌર્યના પ્રદેશ અધ્યક્ષ રહેતા 2017માં ભાજપને પ્રચંડ જીત મળી હતી. તેમનું નામ સીએમ રેસમાં પણ હતું. જો કે, બાદમાં પાર્ટીએ યોગી આદિત્યનાથના નામ પર મહોર લગાવી હતી.