નાયબ મુખ્યમંત્રી નીતિન પટેલ આજે દિલ્લીની મુલકાતે છે. નીતિન પટેલ દિલ્લીમાં બે મહત્વની બેઠકમાં ભાગ લેવા માટે પહોંચ્યા છે. નીતિન પટેલ કેન્દ્રીય નાણાં વિભાગની બે બેઠકમાં ભાગ લેશે. દિલ્લીમાં નાણા મંત્રી નિર્મલા સીતારમણની અધ્યક્ષતામાં બેઠકો યોજાશે.
જેમાં પ્રથમ બેઠકમાં નાણા મંત્રી રાજ્યના નાણા મંત્રીઓ પાસે બજેટ અંગે ચર્ચા કરશે. જ્યારે બીજી બેઠકમાં GST કાઉન્સિલ અંગે ચર્ચા વિચારણા કરવામાં આવશે. મહત્વનું છે કે નાણાં પ્રધાન નિર્મલા સીતારમણની અધ્યક્ષતામાં GST કાઉન્સિલની આજની બેઠકમાં કેટલાક મહત્વના સુધારા થઈ શકે છે.
જેમાં 18 ટકા GST સ્લેબમાં આવતી ચીજવસ્તુઓને 14 ટકા GSTના સ્લેબમાં લઈ જવા અંગે વિચારણા ચાલી રહી છે. આજરોજની GST કાઉન્સિલ બેઠકમાં અનેક મહત્વના મુદ્દાઓ પર ચર્ચા થાય તેવી શક્યતા છે.
આજની GST બેઠકમાં ટેક્સ ઘટાડવા અંગેનો નિર્ણય લેવાય તેવી શક્યતા છે. ઓટો અને સિમેન્ટ ક્ષેત્રને ટેક્સમાંથી રાહત મળે તેવી શક્યતા છે. આ સાથે જ અન્ય ચીજવસ્તુઓ પર GST ઘટાડવામાં આવે તેવી શક્યતા છે. નવી બનેલી સરકારમાં GST કાઉન્સિલની આ પ્રથમ બેઠક છે.