મેડિકલમાં PG વિદ્યાર્થીઓના સરકારી બોન્ડ મુદ્દે DyCM નીતિન પટેલે કહ્યું, વિદ્યાર્થીઓને બોન્ડ પ્રમાણે સેવા આપવી પડશે, તમામ ડોક્ટરે 1 વર્ષ સુધી સેવા આપવી પડશે
મેડિકલ PGના વિદ્યાર્થીઓ અંગે સરકારની જાહેરાત
મેડિકલના વિદ્યાર્થીઓના બોન્ડ અંગે નીતિન પટેલની જાહેરાત
ડોકટર હડતાળ બાબતે બેઠક મળી હતી
ગુજરાતમાં મેડિકલમાં PGના વિદ્યાર્થીઓ અંગે સરકારી બોન્ડને લઈ મહત્વની જાહેરાત કરાઈ છે. જે અંગે DyCM નીતિન પટેલે નિવેદન આપતા કહ્યું, PGના વિદ્યાર્થીઓને બોન્ડ પ્રમાણે સેવા આપવી પડશે. 31 જુલાઇ સરકારની વિશેષ નિયમની મર્યાદા પૂર્ણ થઇ છે. હવે તમામ ડોક્ટર્સે 1 વર્ષ સુધી સેવા આપવી પડશે. બોન્ડ પ્રમાણે સરકારી ખર્ચે જે વિદ્યાર્થી ભણે તેમણે સેવા આપવી પડશે. જો બોન્ડ તોડશે તો રૂ.40 લાખ ફી ભરવાની રહેશે. સરકારી કોટામાં પોસ્ટ ગેજ્યુએટ કર્યું હોય તેમને બોન્ડ આપવા પડે છે. 31 જુલાઈ સુધી કોરોના સંક્રમણ વધારે હતું ત્યારે નિર્ણય કર્યો હતો. સરકારી સેવા ન આપવી હોય તો 40 લાખ ભરવાનો નિયમ છે.
શું છે મેડિકલના વિદ્યાર્થીઓ માટે બોન્ડ
મેડિકલમાં જે વિદ્યાર્થીઓ સરકારી કોટામાં અભ્યાસ કરે છે. તેમના માટે બોન્ડ જરૂરી કરાયો છે. અભ્યાસ બાદ એક વર્ષની શરતો પ્રમાણે ડોકટર ગ્રામીણ વિસ્તારમાં સેવા કરવાની હોય છે. કોરોનામાં બોન્ડેડ ડોકટરને કામગીરી સોંપી હતી. કોવિડ વોર્ડમાં સેવા આપનાર ડોક્ટરને સેવા મજરે અપાશે. કોવિડ વોર્ડમાં સેવા આપી હશે તેનો સમય બોન્ડમાં ગણવામાં આવશે. જેનો સમય 31 જુલાઇ સુધી નિર્ણય અમલમાં હતો. હવે કોરોનાના દર્દીઓની સંખ્યા ઓછી થઇ છે. હાલમાં તમામ કોવિડ હોસ્પિટલ ખાલી છે.
હવે જે દર્દીઓ આવે છે તેમને સરકારી ડોક્ટર સારવાર આપે છે. PGના વિદ્યાર્થીઓની કોરોના સારવાર માટે જરૂર નથી. 1 ઓગસ્ટથી નવા વિદ્યાર્થીઓને નિયમ પ્રમાણે બોન્ડનું પાલન કરવાનું રહેશે. સરકાર સોંપે ત્યાં એક વર્ષ સેવા આપવાની રહેશે.