લોકડાઉનના સમયમાં આર્થિક તંગીને કારણે ભીંસમાં આવેલી મુંબઈની જાણીતી મોડલ પ્રિયાએ 14 મા માળેથી કૂદીને આપઘાત કરી લેતા ચકચાર મચી છે.
લોકડાઉનમાં આર્થિક તંગીના કિસ્સા વધવા લાગ્યાં
મુંબઈની જાણીતી મોડલ પ્રિયા ડિપ્રેશનમાં આવી હતી
14 મા માળેથી કૂદીને આપઘાત કરતા ચકચાર
દિલ્હીના મયૂર વિહારમાં રહેતી પ્રિયા ઉર્ફે ભાવના પેરામાઉન્ટ ઈમોશન્સ સોસાયટીમાં તેમની મોટી બહેનના ત્યાં થોડા દિવસોથી રહેતી હતી. કોરોનાકાળ પહેલાં તે મુંબઈમાં મોડલિંગ કરતી હતી. પ્રિયાને ડિપ્રેશનને કારણે અંતિમ પગલું ભર્યું હોવાનું પોલીસનું માનવું છે.
આપઘાત પહેલા મિત્ર સાથે વાત કરી હતી
મોડલ પ્રિયા તેની મોટી બહેનના ત્યાં રહેતી હતી. ત્યાં રવિવારે તેને મળવા મુંબઈથી એક મિત્ર આવ્યો હતો. રવિવારે પ્રિયા અને તેના મિત્રએ મોડે સુધી પાર્ટી કરી હતી. પ્રિયાની મોટી બહેને આ વાત તેની માતાને જણાવી દીધી હતી. ત્યાર પછી પ્રિયાની માતા સોમવારે તેના ઘરે પહોંચી હતી અને તેને લઢી હતી. પ્રિયાની માતા મોટી બહેનના ઘરેથી જતી રહી પછી પ્રિયાએ આત્મહત્યા કરી છે.
માતાએ ઠપકો આપતા નારાજ પ્રિયાએ ભર્યું અંતિમ પગલું
પોતાની માતાની વઢથી નારાજ પ્રિયાએ સોસાયટીના 14મા ફ્લોર પરથી કૂદીને આત્મહત્યા કરી લીધી છે. પ્રિયાએ જ્યારે 14મા માળેથી કૂદીને છલાંગ લગાવી ત્યારે તે ગંભીર રીતે ઘાયલ હતી. તેને સારવાર માટે હોસ્પિટલ લઈ જવામાં આવી હતી. ત્યારે સારવાર દરમિયાન પ્રિયાને મૃત જાહેર કરવામાં આવી હતી. જોકે પોલીસને ઘટનાસ્થળથી કોઈ સુસાઈડ નોટ મળી નથી. પ્રિયાને તેની માતાએ લઢ્યા પછીથી તે મરવાની વાતો કરવા લાગી હતી. તે પછી તેની માતાએ તેને સમજાવી પણ હતી અને તે સમજી પણ ગઈ હતી. પરંતુ ત્યારપછી તેણે અચાનક બાલકનીમાં જઈને છલાંગ લગાવી દીધી હતી.
પોલીસે પ્રિયાના બોયફ્રેન્ડની પૂછપરછ કરી
પોલીસે જણાવ્યું કે, તપાસમાં જરૂર પડશે તો જે યુવક તેને મુંબઈથી અહીં મળવા આવ્યો હતો તેને પૂછપરછ માટે ફરીથી બોલાવવામાં આવી શકે છે. ડીસીપી સેન્ટ્રલ જોન હરીશ ચંદરનું કહેવું છે કે, પ્રાથમિક તપાસમાં હજી કોઈ માહિતી મળી નથી. પરિવારજનોએ તો ગઈ કાલ મોડી રાત સુધી ઘટનાની પણ કોઈ ફરિયાદ દાખલ કરાવી નથી. પ્રાથમિક તપાસમાં હાલ મોડલે આત્મહત્યા કરી છે તેટલી જ માહિતી છે.