જીવન લક્ષ્ય પોલિસી હેઠળ 13 થી 25 વર્ષનો પોલિસી પીરિયડ ઉપલબ્ધ હોય છે. આ પોલિસી 13 થી 25 વર્ષની પ્રીમિયમ મુદત માટે મળે છે. લિમિટેડ પ્રીમિયમને કારણે, પોલિસીની મુદતથી 3 વર્ષથી ઓછા સમયમાં નાણાં ચૂકવવા પડશે.
13થી 25 વર્ષનો પોલિસી પીરિયડ
3 વર્ષ ઓછુ પ્રીમિયમ ચુકવવું પડશે
જાણો શું છે અન્ય લાભ
LICની જીવન લક્ષ્ય પોલિસીએ 'વિથ પ્રોફિટ પોલિસી' છે જેમાં LIC તેના વ્યવસાયના નફાને ગ્રાહકો સાથે શેર કરે છે. વેસ્ટેડ સિમ્પલ રિવર્સનરી બોનસ અને ફાઈનલ એડિશ્નલ બોનસના રૂપમાં ગ્રાહકોને લાભો ઓફર કરે છે. આ યોજનાની સૌથી મોટી વિશેષતા એ છે કે જો વીમાધારકનું પોલિસીની મુદત દરમિયાન મૃત્યુ થાય છે તો નોમિની માટેના તમામ પ્રિમીયમ માફ કરવામાં આવે છે. વીમાની રકમના 10 ટકા નિયમિત વાર્ષિક આવક તરીકે નોમિનીને આપવામાં આવે છે અને પાકતી મુદતના સમયે મેચ્યોરિટી એમાઉન્ટ પણ આપવામાં આવે છે. આ જ કારણ છે કે આ પોલિસીને કન્યાદાન પોલિસી પણ કહેવામાં આવે છે.
આનું નામ છે કન્યાદાન પોલિસી
ગ્રાહક માસિક, ત્રિમાસિક, છમહિને અથવા વાર્ષિક ધોરણે કન્યાદાન અથવા જીવન લક્ષ્ય પોલિસીમાં પ્રીમિયમ ચૂકવવાનું પસંદ કરી શકે છે. ગ્રેસ પીરિયડ દરમિયાન પણ આ પોલિસીમાં કવરેજ ચાલુ રહે છે. જો ગ્રેસ પીરિયડ દરમિયાન પણ કોઈ ક્લેમ આવે છે તો LIC તેની ચૂકવણી કરે છે. પોલિસીમાં લોનની સુવિધા પણ ઉપલબ્ધ છે.
જીવન લક્ષ્ય યોજના સામે લોન 2 વર્ષ સુધી પોલિસી ચલાવ્યા પછી મેળવી શકાય છે. જ્યારે પોલિસી બંધ થાય છે. ત્યારે તેને પુનઃજીવિત કરી શકાય છે. પ્રીમિયમ ડ્યુ ડેટની તારીખથી 5 વર્ષની અંદર પોલિસીને રિવાઈવ કરી શકાય છે. આ પોલિસીને ઓછામાં ઓછી 18 વર્ષની વયના લોકો લઈ શકે છે અને આ પોલિસી મહત્તમ 50 વર્ષની વ્યક્તિ માટે આપવામાં આવે છે.
13 થી 25 વર્ષનો પોલિસી પીરિયડ
જીવન લક્ષ્ય પોલિસી હેઠળ 13 થી 25 વર્ષની પોલિસી ટર્મ ઉપલબ્ધ છે. આ પોલિસી 13 થી 25 વર્ષની પ્રીમિયમ મુદત માટે ઉપલબ્ધ છે. લિમિટેડ પ્રીમિયમ હોવાના કારણે પોલિસી પીરિયડથી 3 વર્ષ ઓછા જ પૈસા ચુકવવાના રહેશે. આ પોલિસી ઓછામાં ઓછી રૂ. 1 લાખમાં લેવાની હોય છે અને મહત્તમ સમ અસ્યોર્ડ પર કોઈ મર્યાદા નથી.
મેચ્યોરિટી પર કેટલા રૂપિયા મળશે?
30 વર્ષનો વરુણ 5 લાખની જીવન લક્ષ્ય પોલિસી લે છે. વરુણે પોલિસી પીરિયડ તરીકે 25 વર્ષ પસંદ કર્યા છે. આ રીતે વરુણે 22 વર્ષ માટે જ પ્રીમિયમ ભરવાનું રહેશે. જો વરુણ માસિક પ્રીમિયમ ભરવા માંગે છે, તો તેણે 1770 રૂપિયા એટલે કે દરરોજ લગભગ 60 રૂપિયા જમા કરાવવા પડશે.
જો વાર્ષિક પ્રીમિયમ ભરવાનું હોય તો 20,787 રૂપિયા થશે. આ રીતે વરુણ સમગ્ર પોલિસી દરમિયાન 4,57,772 રૂપિયા જમા કરશે. જ્યારે પોલિસીના 25 વર્ષ થઈ જાય ત્યારે તે મેચ્યોર થશે અને વરુણને પૈસા ઉમેરીને સમ એશ્યોર્ડ, રિવર્ઝનરી બોનસ અને એડિશ્નલ બોનસના પૈસા જોડીને આપવામાં આવશે.
આ રીતે, વરુણને વીમાની રકમના 5 લાખ વેસ્ટેડ રિવર્ઝનરી બોનસના 6.125 લાખ અને વધારાના બોનસના રૂ. 2.25 લાખ મળશે. સંપૂર્ણ રકમ ઉમેરીએ તો વરુણને તેના હાથમાં મેચ્યોરિટીના રૂપમાં રૂ. 13,37,500 મળશે. તમે જોયું હશે કે દરરોજ લગભગ 60 રૂપિયા જમા કરીને વરુણ લગભગ 4.5 લાખ રૂપિયા જમા કરાવે છે પરંતુ મેચ્યોરિટી પર તેને 13.37 લાખ રૂપિયા મળ્યા જે જમા કરાયેલા પૈસાના 3 ગણા કરતાં પણ વધુ છે.