બેંક અકાઉન્ટમાં જમા કરો છો રોકડ તો જાણી લો આ નિયમ વધી શકે છે ટેન્શન

ઇનકમ ટેક્સ રિટર્ન ફાઇલ કરતી વખતે જો કોઇએ પોતાની બેંકોમાં જમા પૈસાની જાણકારી આપી નથી તો તમારા પર ભારે દંડ લાગી શકે છે. એક્સપર્ટનું કહેવું છે કે અકાઉન્ટમાં ડિપોઝીટ કેશની પૂરી જાણકારી રિટર્ન ફાઇલ કરતી વખતે આપવી જોઇએ જો ટેક્સપેયર્સ આવું કરતો નથી તો કુલ મળીને એને 85 ટકા ટેક્સ અને દંડ આપવો પડે છે. 

અકાઉન્ટમાં રોકડ ડિપોઝીટ કરતી વખતે રાખો ધ્યાન 
આ બાબતે ટેક્સપર્ટનું કહેવું છે કે અકાઉન્ટમાં કેશ ડિપોઝીટ કરતી વખતે સાવધાન રહેવું જોઇએ. જેનાથી ટેક્સની જવાબદારી તમારા પર ભારે પડી ના જાય. કારણ કે ઇનકમ ટેક્સ રિટર્ન ફાઇલ કરતી વખતે સેક્શન 115BBE હેઠળ ટેક્સપેયર્સને આવક અને જાવકનો સોર્સ દેખાડવો જરૂરી હોય છે. જો ટેક્સપેયર્સ એવું નથી કરતો અને સાચો સોર્સ દેખાડતો નથી તો એને ડબલ ટેક્સ આપવો પડે છે. 



ચૂકવવો પડશે 85 ટકા ટેક્સ અને દંડ
સરળ શબ્દોમાં સમજો તો જો કોઇ ટેક્સપેયર્સ બેંકમાં ડિપોઝીટ રકમની જાણકારી આપી શકતો નથી કો એની પર 60 ટકા ટેક્સ 15 ટકા સરચાર્જ અને 3 ટકા સરચાર્જ ચૂકવવો પડે છે. આ ઉપરાંત સેક્શન 270AA માં 10 ટકા દંડ પણ લાગી શકે છે. કુલ મળીને ટેક્સપેયર્સને 85 ટકા ટેક્સ અને દંડ આપવો પડે છે. 



રોકડને લઇને બદલાયો આ નિયમ
નાણાંકીય વર્ષ 2017 18ના બજેટમાં નાણામંત્રી અરુણ જેટલી એ 3 લાખ રૂપિયાથી વધારાની રોકડ લેણદેણ પર રોક લગાવવાનો પ્રસ્તાવ કર્યો હતો.