સુપ્રીમનો ચુકાદો છે કે પોતાના જમાઈ સાથે રહેનાર સાસુ પણ મોટર વ્હીકલ એક્ટ હેઠળ કાનૂની પ્રતિનિધિ બની શકે અને તે વળતર માટે પણ અરજી ફાઈલ કરી શકે.
સાસુના વળતર સંબંધિત સુપ્રીમનો મોટો ચુકાદો
જમાઈ સાથે રહેનાર સાસુ વળતર લેવા હકદાર
જમાઈના મોત બાદ વળતરની દાવેદાર બની શકે સાસુ-સુપ્રીમ
સુપ્રીમ કોર્ટના જસ્ટીસ એસએ નઝીરની આગેવાની વાળી ખંડપીઠે એક મોટો ચુકાદો આપતા જણાવ્યું કે ભારતીય સમાજમાં પુત્રી-જમાઈ સાથે સાસુ રહેતી હોય તે ઘટના નવાઈકારક નથી.
જમાઈ પર નિર્ભર સાસુને મોતના કિસ્સામાં વળતર મળી શકે
કોર્ટે કહ્યું કે વૃદ્ધ થયા બાદ સાસુ દિકરીના ઘેર રહેતી હોય છે અને તે તેના જમાઈ પર પણ નિર્ભર રહેતી હોય છે. મૃતકની સાસુ કાયદાકીય વારસ ન બની શકે પરંતુ જમાઈ પર આધારિત સાસુ જમાઈના મોત બાદ મોટર વ્હીકલ એક્ટ હેઠળ વળતરની દાવેદાર બની શકે.
શું છે મામલો
મૃતકની સાસુને કાનૂની પ્રતિનિધિ ન માનનાર અને વળતરની રકમ ઘટાડી દેવાના કેરળ હાઈકોર્ટના ચુકાદાની સામે મૃતકની પત્નીએ સુપ્રીમ કોર્ટમાં અરજી કરી હતી. આ અરજીની સુનાવણી આપતા સુપ્રીમ કોર્ટે મોટો ચુકાદો આપ્યો હતો. મોટર વ્કીલલ ક્લેમ ટ્રિબ્યુનલે 74.50 લાખના વળતરનો આદેશ આપ્યો હતો પરંતુ હાઈકોર્ટે તેને ઘટાડીને 48.39 લાખ કરી નાખ્યું હતું. સુપ્રીમે જણાવ્યું કે મોટર વ્હીકલ એક્ટનું કહેવું છે કે વળતર વ્યાજબી અને યોગ્ય હોવું જોઈએ. મોટર વ્હીકલ એક્ટ લીગલ પ્રતિનિધિની વ્યાખ્યા કરતો નથી અને લીગલ પ્રતિનિધિનો અર્થ સામાન્ય પ્રતિનિધિ એવો થાય છે અને તેને વળતરની રકમ મળે છે.