ચિંતા / ખેડૂતોના માથે આફત પર આફત! ગુજરાતમાં કમોસમી વરસાદની હવામાન વિભાગે કરી આગાહી, જાણો ક્યારે પડી શકે છે વરસાદ

• રાજ્યમાં કમોસમી વરસાદની આગાહી 
• હવામાન વિભાગે કરી આગાહી 
• 5થી8 જાન્યુઆરી સુધી પડશે વરસાદ

રાજ્યમાં ફુલ ગુલાબી ઠંડીનો અનુભવ થઇ રહ્યો છે. રાજ્ય આખુ શીતલહેરોથી ઠુઠવાયુ છે તો બીજી તરફ હવામાન વિભાગે વરસાદ પડવાની આગાહી કરી છે.રાજ્યમાં ફરી એકવાર કમોસમી વરસાદનું સંકટ ઘેરાયુ છે..હવામાન વિભાગ દ્વારા કમોસમી વરસાદની આગાહી કરવામાં આવી છે.5થી 8 જાન્યુઆરી સુધી વરસાદ પડી શકે છે.

ખેડૂતો સાવચેત રહેજો

રાજસ્થાનમાં વેસ્ટર્ન ડિસ્ટર્બન્સને કારણે ગુજરાતમાં કમોસમી વરસાદની હવામાન વિભાગે આગાહી કરી છે. ઉત્તર ગુજરાત અને સૌરાષ્ટ્રમાં કમોસમી વરસાદ પડશે. જેને લઇને ખેડૂતોને સાવચેત રહેવા સૂચન કર્યું છે. ખેડૂતોને મહામૂલો પાક પલળી ન જાય તે પ્રકારે પાકનો સંગ્રહ કરે . તેજ ગોડાઉનમાં ખુલ્લો પડેલો મોલ પલળી ન જાય તેનુ ખાસ ધ્યાન રાખવા જણાવ્યું છે.

અંબાલાલ પટેલે કરી છે આગાહી

પશ્ચિમી વિક્ષેપોના લીધે કમોસમી વરસાદ પડશે.બનાસકાંઠા, સાબરકાંઠા, મહેસાણા, પાટણમાં કમોસમી વરસાદની શક્યતા છે.તેમજ અરવલ્લી, મોડાસા, અમરેલી, કચ્છમાં પણ કમોસમી વરસાદ પડશે.જ્યારે ભાવનગર, રાજકોટ, જામનગર સહિત માવઠાની શક્યતા છે.રાજ્યમાં 6 જાન્યુઆરીથી વાદળછાયું વાતાવરણ રહેશે.વાદળછાયા વાતાવરણમાં ઠંડીનું પ્રમાણ વધશે.