OMG! / 94-95 વર્ષની ઉંમરે આ કપલે કર્યું એકસાથે ગ્રેજ્યુએશન, વર્લ્ડ વોર વખતે કરતા હતાં નોકરી

ડેનવરઃ અમેરિકાનાં ડેનવરમાં રહેતા ૯પ વર્ષના ભાઇ અને ૯૪ વર્ષની બહેને એક સાથે ગ્રેજ્યુએશનની ડિગ્રી મેળવી છે. મહિલાનું નામ એનિટા રેમિરેઝ અને પુરુષનું નામ જ્યોર્જ રેમિરેઝ છે. બંને લગભગ ૮૦ વર્ષનો લાંબો સમય સાથે વિતાવ્યા બાદ ગ્રેજ્યુએશનનો અભ્યાસ પૂરો કર્યો છે.

આ અંગે જ્યોર્જ રેમિરેઝ કહે છે કે જ્યારે તેઓ જવાન હતા ત્યારે તેમણે વિશ્વયુદ્ધની પરિસ્થિતિ જોઇ હતી. જ્યારે તેઓ અધૂરો અભ્યાસ કરીને પોતાના ઘરે આવ્યા તો પિતાએ તેમને કહ્યું હતું કે તેઓ વધુ દિવસ સુધી આમ નહીં રહી શકે. તેથી તેમણે નોકરી કરવી પડી હતી.

ત્યાર બાદ તેમણે અમેરિકન આર્મીમાં ટેન્ક ડ્રાઇવર તરીકે કામ કર્યું. બાદમાં જ્યારે પોતાના ઘરે પરત ફર્યા ત્યારે તેમણે લગ્ન કરી લીધાં. હવે તેમનાં સાત બાળકો છે. જ્યોર્જ અને એનિટાએ પોતાના પરિવાર અને દેશનું સમર્થન કરવા માટે સ્કૂલ છોડી દીધી હતી, પરંતુ હવે મેન્યુઅલ હાઇસ્કૂલમાં જ્યોર્જ અને એનિટા રેમિરેઝે સાથે ડિપ્લોમા કર્યો છે.