સડેલા સંબંધો / પત્નીએ પહેલી રાતે 'સુખ' માણવા ન દીધું, 'સંબંધ ભૂખ્યાં' પતિએ કર્યું ચોંકાનવારું

એક કપલે હોંશે હોંશે લગ્ન કરી લીધા. પતિ સુહાગરાતના પણ સપનાં જોવા લાગ્યો પરંતુ તેને ખબર નહોતી કે પત્ની તેને સંબંધ બાંધવા દેવાની નથી આથી પતિએ છૂટાછેડાની અરજી કરી પરંતુ તેમાં પણ પત્ની વચ્ચે પડી અને છૂટાછેડા રોકવા મેદાને પડી. પત્નીનું કહેવું છે કે તેણે માતાપિતાના દબાણ હેઠળ લગ્ન કર્યાં છે તેથી તે પતિને સંબંધ બાંધવા દેવાના પક્ષમાં નથી, પતિને પણ સંબંધ તો જોઈએ જ છે તેથી તેણે કોર્ટનો સહારો લીધો અને છૂટાછેડા લઈને બીજી સાથે પરણવાનું વિચાર્યું અને તે સફળ પણ થયો. આ આમો મામલો હાઈકોર્ટમાં પહોંચ્યો અને આખરે પતિના પક્ષમાં આવ્યો.

સુહાગરાતે પત્ની શારીરિક સંબંધોની ના કહે તો તે માનસિક ક્રૂરતા

સુહાગરાતે પત્ની પતિને શારીરિક સંબંધોની ના કહે તો તે માનસિક ક્રૂરતા ગણાય છે અને તેને માટે છૂટાછેડા પણ મળી શકે છે. આ સંબંધમા વધુ એક હાઈકોર્ટનો ચુકાદો આવ્યો છે. મધ્યપ્રદેશ હાઈકોર્ટે કહ્યું છે કે પત્ની દ્વારા તેના પતિ સાથે શારીરિક સંબંધ રાખવાનો ઈન્કાર એ પતિ પ્રત્યેની ક્રૂરતા છે. હાઇકોર્ટના કાર્યકારી ચીફ જસ્ટિસ શીલ નાગુ અને જસ્ટિસ અમરનાથ કેશરવાનીની બેન્ચે પતિની છૂટાછેડા માટેની અરજીને મંજૂર રાખી હતી. પત્નીએ સ્વીકાર્યું હતું કે લગ્ન પછી તે માત્ર ત્રણ દિવસ જ સાસરિયામાં રહી હતી અને પતિના નિવેદન પરથી સાબિત થાય છે તેણે પહેલી રાતે પતિ સાથે સંબંધ બાંધવાનો ઈન્કાર કર્યો હતો.

સંબંધ બાંધવા ન દેનારી પત્નીથી છૂટા પડવા કેસ

અરજદાર (પતિ)એ જાન્યુઆરી 2018માં ફેમિલી કોર્ટમાં પત્ની દ્વારા ક્રૂરતા અને ત્યજી દેવાના આધારે છૂટાછેડા માટે અરજી કરી હતી. અરજીમાં પતિએ કહ્યું હતું કે તેના લગ્ન 26 મે, 2013ના રોજ હિંદુ રીતિ-રિવાજ મુજબ થયા હતા, પરંતુ પહેલી રાત્રે જ પત્નીએ તેની સાથે શારીરિક સંબંધ બાંધવાની ના પાડી દીધી હતી. તેણે એ પણ જણાવ્યું કે તેને પતિ પસંદ નથી પરંતુ માતાપિતાના દબાણ હેઠળ લગ્ન કર્યાં છે. લગ્નના ત્રણ દિવસ બાદ 29 મે 2013ના રોજ પત્નીનો ભાઈ તેના ઘરે આવ્યો હતો અને તેની પત્નીને પરીક્ષા આપવા માટે તેની સાથે લઈ ગયો હતો. બીજા દિવસે, જ્યારે તે તેની પત્નીને લાવવા તેના ઘરે ગયો, ત્યારે તેના માતાપિતાએ તેને મોકલવાની ના પાડી. ત્યારથી તેની પત્ની પરત આવી નથી.

વધુ વાંચો : સુહાગરાતે પત્ની સંબંધ ન બાંધવા દે તો શું ગણાય? હાઈકોર્ટે જાહેર કર્યો મોટો ચુકાદો

પત્નીએ શું આરોપ કર્યાં

બીજી તરફ, પત્નીએ આરોપ લગાવ્યો હતો કે તેના પતિ સાથે તેના વૈવાહિક સંબંધો 28 મે, 2013 સુધી ચાલુ હતા. જે બાદ પતિ અને તેના પરિવારના સભ્યો તેને હેરાન કરવા લાગ્યા હતા. આ લોકો દહેજ તરીકે 1.5 લાખ રૂપિયા અને અલ્ટો કારની માંગ કરી રહ્યા હતા. તેણીએ દાવો કર્યો હતો કે તેણીની પરીક્ષા જૂન 2013 સુધી નિર્ધારિત હતી, તેથી તેણી તેના લગ્નના ઘરે જઈ શકતી નથી. જેના કારણે તેના સાસરિયાઓ ગુસ્સે થઈ ગયા અને ફરીથી દહેજની માંગ કરવા લાગ્યા. તે પછી પતિ ક્યારેય તેને પરત લેવા આવ્યો ન હતો. પત્નીએ ફેમિલી કોર્ટના આદેશને હાઈકોર્ટમાં પડકાર્યો હતો. પત્નીએ જણાવ્યું હતું કે દહેજની માગણીના દબાણ અને તેના પતિ અને તેના પરિવારના સભ્યો દ્વારા તેની સાથે કરવામાં આવતા ખરાબ વર્તનને કારણે તે તેના માતા-પિતા સાથે રહેતી હતી. તેણે પોતાના પતિને સ્વેચ્છાએ છોડ્યો ન હતો. બીજી તરફ પતિએ કહ્યું કે તેની પત્નીએ તેની સામે દહેજનો ખોટો કેસ કર્યો છે. લગ્ન પછી તેની પત્ની માત્ર ત્રણ દિવસ જ તેના લગ્ન ઘરમાં રહી હતી. આ પછી તેણે કોઈ નક્કર કારણ વગર પોતાનું વૈવાહિક ઘર છોડી દીધું. ત્યારથી તેઓ અલગ રહે છે. તેથી ફેમિલી કોર્ટનો આદેશ યોગ્ય હતો. કોર્ટે પત્નીની અપીલ ફગાવી દીધી અને પતિના છૂટાછેડા મંજૂર રાખ્યાં.