હેલ્થ / ડેન્ગ્યુ થયા બાદ આ રીતે મેળવો ફાસ્ટ રિકવરી, જાણો બિમારીને દૂર ભગાવવાના કારગર ઉપાયો

• ડેન્ગ્યુ ફિવરમાં બેદરકારી જીવલેણ પણ સાબિત થઈ શકે
• ડેન્ગ્યુ ફિવર પછી ઝડપી રિકવરી આપશે આ ઉપાય 
• જાણો શું ખાવું અને શું ન ખાવું 

કોરોના વાયરસ મહામારીની વચ્ચે ડેન્ગ્યુ (Dengue)ના કેસો ખૂબ ઝડપથી વધી રહ્યા છે. ડેન્ગ્યુ એક પ્રકારનો વાયરલ છે. જે એડીજે મચ્છરના કરડવાના કારણે ફેલાય છે. ડેન્ગ્યુ ફિવરમાં બેદરકારી જીવલેણ પણ સાબિત થઈ શકે છે. તેના માટે અમુક વાતોનું ધ્યાન રાખવું ખૂબ જ જરૂરી છે. જાણો ડેન્ગ્યુથી જલ્દી રિકવરી માટે તમારે શું ખાવું જોઈએ અને કઈ વસ્તુઓની ચરી પાડવી જોઈએ. 

પપૈયાના પત્તાનો જ્યુસ 
આ ડેન્ગ્યુ ફિવરમાં ખૂબ જ કારગર સાબિત થાય છે. તેમાં વિટામિન-સી અને એન્ટી ઓક્સિડન્ટની ભરપૂર માત્રા હોય છે. પપૈયાના પત્તાનો જ્યુસ પ્લેટલેટ્સના લેવલને ઠીક કરે છે. દિવસમાં બે વખત આ જ્યુસ પીવાથી રિકવરી ઝડપથી આવે છે. 

વેજીટેબસ જ્યુસ 
તાજા શાકભાજી અને વેજીટેબલ જ્યુસનું સેવન પણ ડેન્ગ્યુ ફિવરમાં તમને ફાયદો આપે છે. વિટામિન સી ભરપુર શાકભાજીનું સેવન કરો. તેનાથી ઈમ્યુનિટી મજબૂત થશે. 

હર્બલ ટી 
આયુર્વેદ અનુસાર, હર્બલ ટીમાં રહેલા ઔષધીય ગુણ ડેન્ગ્યુમાં ફાયદો આપે છે. તેમાં તજ અને આદુ મિક્ષ કરીને પીવો. તેમાં તુલસી, બ્લેક પેપર અને લવિંગ પણ મક્ષ કરી શકો છો. 

ચિકન સૂપ 
ચિકન સૂપ પીવાથી ડેન્ગ્યુમાં ખૂબ ફાયદો થાય છે. તને શરદી-ખાંસીની સમસ્યામાં રાહત આપે છે અને શરીરને હાઈડ્રેટ કરે છે. 

લીમડાના પાનનો જ્યુસ 
ડેન્ગ્યુના દર્દીઓને લીમડાના પાનનો જ્યુસ પીવડાવવાથી ફાયદો થાય છે. તેને પીવાથી સંક્રમણને કંટ્રોલ કરવામાં મદદ મળે છે. 

હળદળ દૂધ અને આમળા જ્યુસ 
હળદળ દૂધ પીવાથી કોઈ પણ પ્રકારના ફિવરમાં ફાયદો થાય છે. ત્યાં જ આંમળા જ્યુસમાં વિટામિન-A અને C ભરપુર માત્રામાં હોય છે અને તે પ્લેટલેટ્સને વધારવામાં મદદ કરે છે.