UP / ફિરોઝાબાદમાં ડેન્ગ્યૂના તાવની સાથે દર્દીઓના લોહીમાં જોવા મળ્યો આ નવો વાયરસ, જાણો કેટલો છે ખતરનાક

• ફિરોઝાબાદમાં  વધી નવી ચિંતા
• ડેન્ગ્યૂના તાવની સાથે દર્દીઓના લોહીમાં જોવા મળ્યો આ નવો વાયરસ
• જાણો કેટલો  ખતરનાક  છે  D2 સ્ટ્રેન

ICMRના મહાનિર્દેશક ડો. બલરામ ભાર્ગવે કહ્યું કે યૂપીના ફિરોઝાબાદમાં અનેક જિલ્લામાં ડેન્ગ્યૂના તાવની માહિતિ મળી રહી છે આ માટે   D2 સ્ટ્રેન કારણ માનવામાં આવી રહ્યો છે. સ્વાસ્થ્ય અને કલ્યાણ મંત્રાલય દ્વારા ગુરુવારે એક નિવેદનમાં કહેવાયું છે કે યૂપીના ફિરોઝાબાદમાં તાવના સેમ્પલની તપાસમાં આ સ્ટ્રેન સામે આવ્યો છે.  

ફિરોઝાબાદ, મથુરા અને આગ્રામાં થયેલા મોત માટે આ સ્ટ્રેન જવાબદાર
ડો. ભાર્ગવે કહ્યું કે યૂપીના ફિરોઝાબાદ અને મથુરા અને આગ્રામાં પણ મોત થયા છે તેના માટે ડેન્ગ્યૂ કારણ રૂપ છે. તેઓએ કહ્યું કે આ જિલ્લામાં આઈસીએમઆર દ્વારા જે સેમ્પલ લેવાયા હતા તેમાં   D2 સ્ટ્રેન જોવા મળ્યો છે અને તે લોહીના વહેવાનું કારણ બની શકે છે, આ સાથે તે ઘાતક પણ બની શકે છે. આ સમયે ભાર્ગવે યૂપીની જનતાને મચ્છરોથી સાવધાન રહેવાની સલાહ આપી છે. તેઓએ કહ્યું કે મચ્છરની શક્યતા વાળી જગ્યા પર અને લાંબા સમય સુધી પાણી જમા રહેતું હોય ત્યાં જવાથી બચવું. આ સાથે સાફ સફાઈનું ધ્યાન રાખવું.  

કેટલો ખતરનાક છે   D2 સ્ટ્રેન
જાણકારોના આધારે ડેન્ગ્યૂનો   D2 સ્ટ્રેન સૌથી ખતરનાક માનવામાં આવે છે. તેનાથી સંક્રમણમાં દર્દીના શરીર પર 3-5 દિવસમાં લાલ ચકામા પડે છે. સાથે શરીરમાં બ્લડના પ્લેટલેટ્સ પણ ઝડપથી ઘટવા લાગે છે. જાણકારોનું કહેવું છે કે ડેન્ગ્યૂમાં લોહી વહેવાની સાથે તાવ અને શોક સિન્ડ્રોમ જોવા મળે છે જે મૃત્યુનું કારણ પણ બની શકે છે. 
 

અહીં રહે છે ડેન્ગ્યૂના મચ્છર

• ડેન્ગ્યૂના મચ્છર એકત્રિત પાણીમાં જન્મે છે જેમકે કૂલર, પાણીની ટાંકી, પક્ષીના પાણીના વાસણ, ફ્રિઝની ટ્રે, નારિયેળની ખોળ વગેરેમાં.
• એડીઝ મચ્છર ડેન્ગ્યૂની બીમારી ફેલાવે છે આ વધારે ઉંચાઈ સુધી ઉડી શકતા નથી. ડેન્ગ્યૂના મચ્છર દિવસે કરડે છે. 
• ડેન્ગ્યૂ એક પ્રકારના વાયરસના કારણે થાય છે. આ બીમારી વરસાદમાં વધારે રહે છે. 
• ડેન્ગ્યૂના લક્ષણ માંસપેશીમાં સાંધાનું દર્દ, અચાનક તાવ આવવો અને ગંભીર સ્થિતિમાં શરીરમાંથી લોહી વહેવાની સાથે પગ અને હાથ તથા મોઢા પર લાલ દાણા આવવાની સાથે આંખમાં બળતરાને જન્માવે છે. સખત માથાના દુઃખાવવાની સાથે ઉલ્ટીઓ પણ થાય છે. 

ઉલ્લેખનીય છે કે લગભગ 15 દિવસથી ફિરોઝાબાદમાં વાયરલ તાવ પણ ઝડપથી વધી રહ્યો છે અને સાથે ડેન્ગ્યૂના કેસ સતત વધી રહ્યા છે. છેલ્લા એક અઠવાડિયામાં ડેન્ગ્યૂનો પ્રકોપ જનપદના શહેરથી લઈને ગ્રામીણ વિસ્તારોમાં ફેલાયો છે.