જીવથી પણ વ્હાલો આસરો / માણાવદરમાં રિવરફ્રન્ટ માટે વૃદ્ઘ મહિલાનું 40 વર્ષ જૂનું ઘર તોડી પડાયું, આઘાતમાં એસિડ ગટગટાવ્યું

• દીકરાના મકાનો ધરાશાયી કરાતાં માતાનો આપઘાત
• રિવરફ્રન્ટની કામગીરીમાં મકાનો ધરાશાયી કરાયા
• મકાન ધરાશાયી કરાતાં મહિલાએ એસીડ ઘટઘટાવ્યુ

જૂનાગઢના માણાવદરમાં મહિલાના આપઘાતની ઘટનાથી હડકંપ મચી જવા પામ્યો છે.જેમાં પુત્રના આક્ષેપ મુજબ તેમની માતાનો જીવ તંત્રની ડીમોલિશનની કામગીરીએ લીધો છે... માણાવદરની ખારા નદીના કાંઠે રિવરફ્રન્ટની કામગીરી દરમ્યાન ડિમોલિશનની કામગીરી હાથ ધરવામાં આવી હતી.જેમાં દબાણો દુર કરવાની પ્રક્રિયામાં દીકરાના મકાનો ધરાશાયી કરાતાં માતાએ એસિડ ઘટઘટાવી લીધુ હતુ..એસિડ પી લેતાં મહિલાનુ મોત નિપજ્યુ હતુ.જેથી મ઼ૃતક મહિલાના દીકરાની ફરીયાદ આધારે પોલીસે કાર્યવાહી હાથ ધરી છે.

એસિડ ગટગટાવી કર્યો આપઘાત 
માણાવદરમાં બાંટવા રોડ પર સરકાર દ્વારા રિવર ફ્રન્ટની કામગીરી હાથ ધરવામાં આવી છે. જેમાં નદી કાઢે આવેલા સરકારી જમીન પર આવેલા મકાનોનું ડિમોલેશન કરવામાં આવ્યું હતું. અહી આખી જિંદગી કાઢી ચૂકેલા દેવુંબેન નાનુભાઈ સોલંકી નામની વૃદ્ધ મહિલાને પોતાનું જીવન મૂડીનું ઘર ગુમાવવાનો વારો આવ્યો હતો.જેથી તેમને ઘણી વખત સ્થાનિક તંત્રને રજૂઆત કરી હતી પણ કોઈ ન સાંભળતા વૃદ્ધ મહિલાએ જીવન ટુકાવી નાખતા એરેરાટી વ્યાપી છે. એસિડ પીધા બાદ મહિલાને સારવાર અર્થે નજીકની હોસ્પિટલમાં દાખલ કરવામાં આવ્યા હતા. જ્યાં ટુંકી સારવાર બાદ મૃત ઘોષિત કરવામાં આવતા પરિવારના ઘરના સાથે મોભી ગુમાવવાનો પણ વારો આવ્યો છે.હાલ તો પોલીસે ફરિયાદ નોંધી તપાસ હાથ ધરી છે.

શું કહેવું છે મૃતક વૃદ્ધાના દીકરાનું?
અમે 3 ભાઈઓ અલગ અલગ ઝુંપડા વાળી 40 વર્ષથી અહિયાં રહેતા હતા. પણ રિવર ફ્રન્ટની કામગીરીમાં અમારા મકાન પાડી દેવાતા અમે રોડ પર આવી ગયા, મારી બાને આ કારણે ખૂબ જ આઘાત લાગ્યો. અમારું દીકરીઓ વાળું ઘર છે એટલે તે સતત ચિંતામાં રહેતા હતા કે હવે શું થશે. કયા રહીશું જેથી વધુ આઘાત લાગતાં તેમણે એસીડ પી જીવન ટુકાવી લીધું.