શેરબજારમાં રોકાણ કરનારા માટે એક મોટા સમાચાર સામે આવી રહ્યા છે. 1 ઓક્ટોબરથી ડીમેટ એકાઉન્ટ ખોલવા માટે નોમિનેશન ફોર્મ ભરવાનું જરૂરી બનશે.
તમે પણ કરો છો શેરબજારમાં રોકાણ તો થઈ જાઓ એલર્ટ
જલ્દી જ બદલાઈ રહ્યા છે ખાતા સાથેનો આ નિયમ
1 ઓક્ટોબરથી ડીમેટ એકાઉન્ટ ખોલવા માટે નોમિનેશન ફોર્મ ભરવાનું જરૂરી
શેરબજારમાં રૂપિયા લગાવનારા માટે એક સારા સમાચાર સામે આવ્યા છે. 1 ઓક્ટોબરથી નવા ડીમેટ એકાઉન્ટ ખોલવા માટે નોમિનેશન ફોર્મ ભરવાનું જરૂરી રહેશે. ડીમેટ એકાઉન્ટની મદદથી શેરબજારમાં રોકાણ કરી શકાય છે. જો તમે તમારા ડીમેટ એકાઉન્ટમાં કોઈને નોમિની બનાવવા નથી ઈચ્છતા તો તેને માટે પણ એક વિકલ્પ અપાયો છે. બસ તમારે એક અલગ ફોર્મ ભરવાનું છે. હાલમાં ડીમેટ ખાતા ધારકો માટે 31 માર્ચ 2022 સુધી નોમિનેશન ફોર્મ ભરવાનું જરૂરી છે.
શા માટે રહે છે નોમિનીની જરૂર
નોમિનીની જરૂર એટલા માટે રહે છે કે જો કોઈ અસમયે નિધનને ભેટે છે તો તેના રૂપિયાનો હકદાર તેનો નોમિની વ્યક્તિ હોય છે. જો તમે કોઈને નોમિની બનાવ્યા નથી તો તે રૂપિયા મેળવવામાં મુશ્કેલીનો સામનો કરવો પડી શકે છે. આ કારણે નોમિનીનો વિકલ્પ અપાઈ રહ્યો છે.
સરળ છે પ્રક્રિયા
નોમિની બનાવવાની પ્રક્રિયા સરળ છે. ડીમેટ એકાઉન્ટ ખોલતી સમયે કોઈને પણ નોમિની બનાવી શકાય છે. તમે એકાઉન્ટ ખોલતી સમયે કોઈને પણ નોમિની બનાવ્યા નથી તો પછી ફોર્મ ભરીને તેને અપડેટ કરાવી શકાય છે. જો વિકલ્પ હોય તો ખાતું ખોલવા સમયે નોમિનીનું નામ ભરી લેવું. નિયમ અનુસાર એક ડીમેટ એકાઉન્ટમાં 3 લોકોને નોમિની બનાવી શકાય છે. નોમિનેશન સમયે તમારે જણાવવાનું રહે છે કે કયા નોમિનીને કેટલી રકમ મળશે. જો તમે એક વ્યક્તિને નોમિની બનાવ્યા છે તો તમામ રકમ તે વ્યક્તિને મળે છે. જો તમે નોમિનીનું નામ એક વાર ભરી લીધું છે અને તમે તેને બદલવા ઈચ્છો છો તો તેના માટેની પ્રક્રિયા પણ સરળ છે. તેની મદદથી તમે આ ફેરફાર કરી શકો છો. તમે આ કામ માટે નોમિનેશન ફોર્મ ભરી લો અને જેને નોમિની બનાવવા હોય તેનું નામ અને સંબંધિત જાણકારી ભરી લો. આ પછી તમારા એકાઉન્ટમાં નોમિનીનું નામ ચેન્જ થઈ જશે.