ધરમના ધક્કા / વડોદરા: 3 દિવ્યાંગ બાળકો માટે UCD કાર્ડ મેળવવા જનેતાના વલખા, રડતા-રડતા જુઓ શું ઠાલવી વ્યથા

• વડોદરામાં દિવ્યાંગ માતા લાચાર
• દિવ્યાંગ બાળકોના પેન્શન માટે માતાનો જંગ
• UCD કાર્ડ મેળવવા માતાના વલખા
• અનેક સરકારી ઓફિસોમાં માતા ખાઈ રહી છે ધક્કા

વડોદરામાં દિવ્યાંગ મહિલા ઓફિસોના ધક્કા ખાઈ રહી હોવાનો કિસ્સો સામે આવ્યો છે. યુસીડી કાર્ડ મેળવવા માતા સરકારી કચેરીના વલખાં મારી રહી છે. ત્રણ દિવ્યાંગ સંતાનોને સરકારી સહાય મળે તે માટે રજૂઆતો પર રજૂઆતો કરી રહી છે પણ  યુસીડીના દાખલા ન મળતા તમામ હક્કની સહાયથી તે વંચિત છે. કોર્પોરેશન પહોચેલી વિધવા માતાએ પોતાની વ્યથા ઠાલવી છે પરિવારને સમાજકલ્યાણનો દાખલો પણ મળ્યો ન મળ્યો હોવાની વાત સામે આવી છે. કોર્પોરેશનની સીડીમાં પીડિત આયસાબીબીની મુલાકાત વિપક્ષ નેતા અને સ્ટેન્ડિંગ કમિટીના ચેરમેન સાથે થઈ હતી. જેઓએ સહકાર આપવાની બાંહેધરી આપી છે.

આયસાબીબીની આપવીતી
આયસાબીબી પોતાના પર વિતેલીની જાણકારી આપતા કહે છે કે યુસીડી દાખલો મેળવવા માટે આરાધાન ટોકીઝ પાસેથી ઓફિસમાં 2 વાર જઇને આવી, કલેકટર કચેરીના પુરવઠા વિભાગની કચેરીમાં પણ અનેક વખત ઘકકા ખાઈને આવી. નર્મદા ભવનમાં 3 વાર રજૂઆત કરી, હવે થાકી છું અનેક વખત યુસીડીના દાખલા માટે અધિકારીઓ પાસે માંગ કરી છે પણ.. રડતાં રડતાં તેઓ કહે છે કે અમે રોજગાર માટે લારી નાખીને કઈ કમાઈ શકે તેમ નથી. બાળકો વિકલાંગ છે. અમને સરકાર દ્વારા મળી સહાય કેમ આપવામાં આવતી નથી એ ખબર નથી પડતી. હવે તો છેલ્લે કલેકટર અને મેયર સાહેબને મળવા આવી છું. ડૂમો ભરાયેલા અવાજે કહે છે કે મને અહીંથી થોડી મદદ મળે તો સારું

અમીબેન રાવત વિપક્ષ નેતા, VMCએ શું કહ્યું?
બહેનની પરિસ્થિતિ વિશે આજે અહીંયા આવ્યા એટલે ખબર પડી આર્થિક પરિસ્થિતિ ખૂબ જ ખરાબ હોય તેવુ લાગી રહ્યું છે, તેઓ પોતે હેન્ડીકેપ છે અને બાળકો દિવ્યાંગ છે. પણ યુસીડીના સર્વેમાં તેઓના નામ આવી રહ્યા નથી. આ માટે કલેકટર પાસે ખાસ કેસમાં સત્તા હોય છે. જરૂરી ડોક્યુમેન્ટ મેળવી અમે આયસાબીબી અને તેમના બાળકોની મદદ કરીશું. 

હિતેન્દ્ર પટેલ  સ્ટેન્ડિંગ ચેરમેન, VMCએ આપી મદદની બાંહેધરી
આયસાબીબી બહેન જે પોતાની વિકટ સમસ્યા અને આપવીતી લઈને કોર્પોરેશનમાં આવ્યા છે તેમની પૂરતી મદદની હું ખાતરી આપું છું. તેમના ડોક્યુમેન્ટ મૈ ઝેરોક્ષ કઢાવ્યા છે તેમના નંબર લઈને  જે પણ વાત જે તે સત્તાધીશોને પહોંચાડવાની હશે તે ખુબ ઝડપથી પહોંચાડવામાં આવશે.