1 કિલો કેસર કેરીના 600 રૂપિયા ભાવ.આવું કોઈ તમને કહે તો..? વિશ્વાસ નહીં આવે.પરંતુ તાલાળા ગીરની પ્રખ્યાત કેસર કેરી 600 રૂપિયાના ભાવે વેચાઈ છે.
ગીરની કેસરનો વિશ્વમાં ડંકો
UKમાં કેસર કેરીની ડિમાન્ડ
ત્રણ કિલોના બોક્સના 1800 રૂપિયા ભાવ
આવું તમને કોઈ કહેશે તો વિશ્વાસ નહીં આવે.. કારણ કે, આપણે ત્યાં અમદાવાદ જેવા મેગા સિટીમાં પણ કેસર કેરીના 10 કિલોના બોક્સના ભાવ 1400 થી 1500 રૂપિયા આસપાસ છે.. ત્યાં એક કિલો કેસર કેરીના 600 રૂપિયા ભાવ કેવી રીતે હોઈ શકે? તો આવું એટલા માટે શક્ય બન્યું છે કારણ કે, તાલાળા ગીરની કેસર હવે સાત સમુંદર પાર ધૂમ મચાવી રહી છે. આપણી પ્રખ્યાત કેસર કેરી યુકેના બજારોમાં ખુશ્બુ પ્રસરાવી રહી છે. અને ત્યાં 3 કિલોના બોક્સના 1800 ભાવ મળી રહ્યા છે. એટલે કે, એક કિલો કેસર કેરીના ભાવ યુકેના બજારમાં 600 રૂપિયા મળી રહ્યા છે.
ઓછા ઉત્પાદન વચ્ચે પણ કેસરની નિકાસ
મહત્વનું છે કે, સ્થાનિક બજારમાં કેસર કેરીના ભાવ 1000 થી 1200 રૂપિયા આસપાસ છે.પરંતુ વિદેશમાં કેસર કેરીની નિકાસ થતાં હવે કેસરના ભાવ ઉચકાયા છે.જોકે બધું તાલાલા ગીર માર્કેટિંગ યાર્ડ સંચાલિત મેંગો પેક હાઉસના કારણે શક્ય બન્યું છે.જ્યાં વિદેશી નિયમો પ્રમાણે, યાર્ડના અધતન મેંગો પેક હાઉસમાં ગ્રેડિંગ, વોશિંગ, હોટ વોટર અને પ્રિ-કુલીંગ અને રાયપનીંગ કરીને, ત્રણ કિલોના આકર્ષક બોકસમાં કેરીનું પેકિંગ કરવામાં આવે છે. અને ત્યાર બાદ એરલાઈન્સ મારફતે યુકે પહોંચે છે.
વિશ્વમાં માગ વધતા ખેડૂતોને થશે ફાયદો
જોકે આ વખતે કેસર કેરીનું ઉત્પાદન માત્ર 30 ટકા જેટલું જ થયું છે.. જેના કારણે નિકાસ પણ ઓછી થશે. પરંતુ વધતી માગને જોતા આગામી વર્ષોમાં તાલાળા ગીરની કેસર કેરીનો વિશ્વમાં દબદબો વધશે. ગીર પંથકના ખેડૂતોને પણ સારા ભાવ મળશે.