લોક રક્ષક દળ / LRD ભરતીની શારીરિક કસોટી પાછી ઠેલવાની માંગ ઉઠતા ભરતી બોર્ડના ચેરમેન હસમુખ પટેલે કરી સ્પષ્ટતા, જાણો શું કહ્યું ?

• LRD ભરતીની શારીરિક કસોટી પાછી ઠેલવા માગ
• ઉમેદવારોએ શારીરિક કસોટી પાછી ઠેલવા કરી માગ
• ભરતી બોર્ડના ચેરમેને કરી સ્પષ્ટતા

LRD ભરતીને લઈને મહત્વના સમાચાર સામા આવ્યા છે ઉમેદવારોએ શારીરિક કસોટી પાછી ઠેલવાની માંગ કરતા ભરતી ભોર્ડના ચેરમેને સ્પષ્ટતા કરતા જણાવ્યું છે કે શારીરિક કસોટી પાછળ લઈ જવાની વાત છોડો અને જે સમય છે તેનો સદઉપયોગ કરો, ભરતી ભોર્ડના ચેરમેનને કેટલાક ઉમેદવારો દ્વારા LRD ભરતીની શારીકિક કસોટી પાછી ઠેલવવામાં આવે તેવી માંગ કરી હતી. જેને લઈને હસમુખ પટેલે જણાવ્યું હતું. 

ઉમેદવારોએ શારીરિક કસોટી પાછી ઠેલવા કરી માગ

મહત્વનું છે કે લોકરક્ષક દળની ભરતીને લઈને યુવાનોમાં ઉત્સાહ જોવા મળી રહ્યો છે. અત્યાર સુધીમાં સરકારી નોકરી માટે 9.70 લાખ જેટલી અરજીઓ આવી ચુકી છે. જ્યારે 9 નવેમ્બરે રાત્રે 12 વાગ્યા સુધી અરજી કરી શકાશે, મહત્વનું છે  કે LRDમાં 10 હજાર 459 જગ્યા માટે અરજી મંગાવામાં આવી છે, જ્યારે અત્યાર સુધીમાં 7 લાખ 65 હજાર 486 અરજીઓ કન્ફર્મ કરવામાં આવી, જોવા કરવામાં આવે તો LRDમાં કુલ 5 લાખ 56 હજાર 441 પુરુષ ઉમેદવારોએ ફોર્મ ભર્યા છે, જ્યારે LRDમાં કુલ 2 લાખ 6 હજાર 266 મહિલા ઉમેદવારોએ ફોર્મ ભર્યા છે.

કમ્પ્યુટરનું સર્ટિફિકેટ નહીં ધરાવનાર કરી શકશે અરજી

અગાઉ પણ રાજ્ય સરકારના વિભાગે પોલીસ અને LRDની સીધી ભરતી માટે 15 અને 8 ગણાનો નિર્ણય બદલ્યો છે જેથી હવે શારીરિક કસોટી પાસ કરતા ઉમેદવારો સીધી લેખિત પરીક્ષામાં બેસી શકશે. ત્યારે ઉમેદવારોને સરકારે વધુ એક રાહત આપી છે. લોકરક્ષક દળની ભરતી પરીક્ષામાં હવે કોમ્યુટરનું સર્ટિફેકેટ નહી ધરાવનાર ઉમેદવાર પણ અરજી કરી શકશે, જો કે તેમણે દસ્તાવેજ ચકાસણી વખતે માન્ય સંસ્થાનું કોમ્પ્યુટરનું સર્ટિફિકેટ રજૂ કરવાનું રહેશે. મહત્વનું છે કે ધોરણ 10 અને 12માં કોમ્યુટર પરીક્ષા પાસ કરેલ હોય તેવા ઉમેદવારોને સરકાર તરફથી છુટ આપવામાં આવી છે, એટલે આવા ઉમેદવારોને સર્ટિફિકેટની કોઈ જરૂર નથી. 

ધો-10 અને 12માં કમ્પ્યુટર પાસ કરનારને સર્ટિની નથી જરૂર

PSI-LRD ભરતીનો મામલે અરજીની શરૂઆત થતાં જ ઉમેદવારોએ ફોર્મ ભરવા માટે મોટા પાયે અરજીઑ કરી રહ્યા છે સરકારી આકડા પ્રમાણે અત્યાર સુધી 1.25 લાખ જેટલી અરજીઓ મળી ચૂકી છે. મહત્વનું છે કે 9 નવેમ્બર સુધી ઓજસ વેબસાઇટ પર ઓનલાઇન અરજી કરી શકાશે ત્યારે ઉમેદવારોને અંતિમ તારીખ સુધી રાહ ન જોવા ભરતી બોર્ડના અધ્યક્ષ દ્વારા અપીલ કરવામાં આવી છે.લોકરક્ષક ભરતીની અરજી સ્વિકારવાની છેલ્લી તારીખ 9/11/21 છે. છેલ્લે સુધી રાહ જોવાને બદલે ઉમેદવારો ને શરૂઆતમાં જ અરજી કરી લેવા સલાહ છે.અત્યાર સુધી સવા લાખ જેટલી અરજી મળેલ છે.

LRDની 10459 જગ્યાઓ માટે ભરતી પ્રક્રિયા શરૂ

ભરતી બોર્ડના અધ્યક્ષ IPS હસમુખ પટેલે આ અંગે માહિતી આપી છે. ઉમેદવાર OJAS વેબસાઇટ પર ફોર્મ ભરી શકશે. LRDની 10459 જગ્યાઓ માટે ભરતી પ્રક્રિયા શરૂ કરી દેવાઈ છે. જેમાં 8476 પુરૂષ અને 1983 મહિલા ઉમેદવારો માટે ભરતી પ્રક્રિયા શરૂ થઇ ચૂકી છે. આજથી 9 નવેમ્બર સુધી ઉમેદવાર અરજી કરી શકશે. વેબસાઇટ https://ojas.gujarat.gov.in પર અરજી થઇ શકશે.

PSI-LRD માટે અલગ અરજી કરવાની રહેશે

PSI-LRD ભરતી માટે ઓનલાઇન અરજી કરવાનું શરૂ છે. ત્યારે PSI અને LRD માટે અલગ-અલગ અરજી કરવાની રહેશે. ભરતી બોર્ડના અધ્યક્ષ IPS હસમુખ પટેલે સ્પષ્ટતા કરી છે કે, જે ઉમેદવારોએ પો.સ.ઇની ભરતી માટે ફોર્મ ભરેલ હોય અને તેઓ લોકરક્ષક માટે પણ અરજી કરવા માંગતા હોય તો તેઓ એ અલગથી અરજી કરવાની રહેશે.

કઈ વેબસાઇટ મહત્વની?

લોકરક્ષક ભરતી બોર્ડની વેબસાઇટ: http://lrdgujarat2021.in
અરજી કરવાની વેબસાઇટ https://ojas.gujarat.gov.in

લોકો પેપર ફોડવાનું કામ કરતા હોય તો...

LRD ભરતી બોર્ડના ચેરમેન હસમુખ પટેલનું નિવેદન સામે આવ્યું છે.તેમણે કહ્યું કે ભરતી વખતે અનેક અફવાઓ ચાલુ થઇ જાય છે. કેટલાક લોકો ઓળખાણની લાલચ આપતા હોય છે. ઘણી વખતે લોકો પૈસા આપી નોકરી અપાવવાની લાલચ આપે છે. કેટલાક લોકો પેપર ફોડવાનું કામ કરતા હોય છે...ઉમેદવારોએ પરીક્ષા તરફ જ ધ્યાન આપવું જોઈએ...કોઇ આવી વાત તમારા સુધી આવે તો અમને જાણ કરજો. ઉમેદવારોએ નવી ભરતીની તૈયારીઓ કરવી જોઇએ

LRDની ભરતીમાં કોણ ફાવશે?

25 મિનિટમાં 5 કિલોમીટર દોડનાર પુરૂષને મળશે તક
9.5 મિનિટમાં 1600 મીટર દોડનાર મહિલાને પણ  મળશે તક
ઉંચાઇ, વજન અને છાતીના ધોરણમાં પાસ થનારને પરીક્ષાની મળશે તક