ભારતમાં ઓકટોબર 2020 માં મળેલ એક વેરિયન્ટને ડેલ્ટા વેરિયન્ટ નામ આપવામાં આવ્યું
WHO દ્વારા જુદા જુદા દેશોમાં મળેલ વેરિયન્ટના નામ પાડવામાં આવ્યા
આલ્ફા વેરિયન્ટ કરતાં ભારતના ડેલ્ટા વેરિયન્ટ 40 ટકા વધુ સંક્રામક
ત્યાંના રિપોર્ટ અનુસાર UKમાં ડેલ્ટા વેરિયન્ટ ઘણો જ ઘાતક સાબિત થઈ રહ્યો છે
WHO દ્વારા જુદા જુદા દેશોમાં મળેલ વેરિયન્ટના નામ પાડવામાં આવ્યા
ભારતમાં મળેલ ડેલ્ટા વેરિયન્ટ હવે ધીમો પડતો હોય તેવું સમગ્ર રિપોર્ટ્સ અનુસાર જણાઈ રહ્યું છે. તેમ છતાં આખી આ વાયરસથી પરેશાન થઈ ગઈ છે. કારણકે કોરોનાની એક પછી એક લહેર ઘણા દેશોમાં આવતી જ રહે છે. હાલમાં જ WHO દ્વારા જુદા જુદા દેશોમાં મળેલ વેરિયન્ટના નામ પાડવામાં આવ્યા છે. ભારતમાં ઓકટોબર 2020 માં મળેલ એક વેરિયન્ટને ડેલ્ટા વેરિયન્ટ નામ આપવામાં આવ્યું છે.
આલ્ફા વેરિયન્ટ કરતાં ભારતના ડેલ્ટા વેરિયન્ટ 40 ટકા વધુ સંક્રામક
એવું માનવામાં આવે છે કે ઈંગ્લેન્ડમાં મળેલ ડેલ્ટા વેરિયન્ટના કારણે ત્યાં મળેલ લોકડાઉનની છૂટછાટ પર ફરીથી પ્રતિબંધ લાગી શકે છે. આ સાથે જ ત્યાંની સરકારને લાગે છે કે આ વેરિયન્ટના કારણે ત્યાં ત્રીજી લહેર પણ આવી શકે છે. UKના સ્વાસ્થ્યમંત્રીના કહ્યા મુજબ ત્યાંના આલ્ફા વેરિયન્ટ કરતાં ભારતના ડેલ્ટા વેરિયન્ટ 40 ટકા વધુ સંક્રામક છે. આ સમગ્ર ઈંગ્લેન્ડ માટે ઘણી ચિંતાની વાત છે. વધુમાં તેમનું કહેવું છે કે જે લોકોને વેક્સિનનો બીજો ડોઝ મળી ગયો છે તે લોકો પણ આ વેરિયન્ટના કારણે સંક્રમિત થઈ શકે છે.
ત્યાંના રિપોર્ટ અનુસાર UKમાં ડેલ્ટા વેરિયન્ટ ઘણો જ ઘાતક સાબિત થઈ રહ્યો છે
ત્યાંના રિપોર્ટ અનુસાર UKમાં ડેલ્ટા વેરિયન્ટ ઘણો જ ઘાતક સાબિત થઈ રહ્યો છે. આ પહેલા આ પ્રકારનું ઘાતક સંક્રમણ આલ્ફા વેરિયન્ટમાં પણ જોવા મળ્યું છે અને તેંઆ કારણે UKમાં જાન્યુઆરીમાં લોકડાઉન કરવાની ફરજ પડી હતી. તેમણે કહ્યું કે અમારા વૈજ્ઞાનિકોએ સંશોધન કરીને કહ્યું છે કે આલ્ફા વેરિયન્ટ કરતાં ડેલ્ટા વેરિયન્ટ 40 ટકા વધુ સંક્રમણ ફેલાવે છે. હવે ત્યાં 21 જૂનથી લોકડાઉનમાં ઘણી છૂટછાટ આપવાની શરૂઆત થવાની છે. પણ હવે આ વેરિયન્ટ સામે આવતા લોકડાઉનમાં છૂટછાટ આપવી કે નહીં તે અંગે વિચાર કરવામાં આવશે.