કેન્દ્રીય સ્વાસ્થ્ય મંત્રાલયે મહારાષ્ટ્ર, કેરળ અને મધ્યપ્રદેશને કોરોનાના નવા વેરિયન્ટ અંગે એલર્ટ આપ્યું છે. એટલે કે આ રાજ્યોમાં ડેલ્ટા પ્લસ વેરિયન્ટ ઝડપથી ફેલાઈ શકે છે.
મહારાષ્ટ્ર, કેરળ અને મધ્યપ્રદેશમાં ડેલ્ટા પ્લસ વેરિયન્ટ ફેલાયો
કેન્દ્ર સરકારે ત્રણેય રાજ્યોને આપ્યું એલર્ટ
ડેલ્ટા વેરિયન્ટની સામે કોવિશિલ્ડ અને કોવેક્સિન બન્ને અસરકારક
સ્વાસ્થ્ય મંત્રાલયે કહ્યું કે મહારાષ્ટ્રના રત્નાગિરી અને જલગાંવ જિલ્લામાં જીનોમ સિકવન્સિંગમાં આ વાયરસ હોવાની પુષ્ટિ થઈ છે. કેરળના પલક્કડ અને પથનમથિટ્ટા જિલ્લા તથા મધ્યપ્રદેશના ભોપાલ અને શિવપુરી જિલ્લામાં ડેલ્ટા સ્વરુપ જોવા મળ્યો છે.
પ્રેસ કોન્ફરન્સમાં માહિતી આપતા કેન્દ્રીય સ્વાસ્થ્ય સચિવ રાજેશ ભુષણે જણાવ્યું કે કોરોનાનો ડેલ્ટા પ્લસ વેરિયન્ટ ભારત સહિત દુનિયાના 8 દેશોમાં ફેલાયો છે. ડેલ્ટા વેરિયન્ટને ચિંતાજનક ગણાવાયો છે. તેમણે કહ્યું કે અમેરિકા, બ્રિટન, પોર્ટુગલ, સ્વિઝરલેન્ડ, જાપાન, પોલેન્ડ, ચીન, રશિયા અને ભારતમા ફેલાયો છે. ભારતમાં 22 કેસ છે.
રાજેશ ભુષણે જણાવ્યું કે હાલમાં ડેલ્ટા વેરિયન્ટને ચિંતાજનક શ્રેણીમાં રખાયો નથી. પરંતુ વૈજ્ઞાનિકો તેના પર સતત નજર રાખી રહ્યાં છે. મહારાષ્ટ્ર, કેરળ અને મધ્યપ્રદેશને એડવાઈઝરી અપાઈ છે. હાલમાં ડેલ્ટા વેરિયન્ટ નાના લાગી રહ્યો છે પરંતુ અમે નથી ઈચ્છતા કે આ વાયરસ મોટું સ્વરુપ ધારણ કરે તેથી શક્ય હોય તેટલી વધારે સાવધાની રખાઈ રહી છે.
ડેલ્ટા વેરિયન્ટની સામે કોવિશિલ્ડ અને કોવેક્સિન બન્ને અસરકારક
રાજેશ ભુષણે જણાવ્યું કે ડેલ્ટા વેરિયન્ટની સામે કોવિશિલ્ડ અને કોવેક્સિન બન્ને અસરકારક છે. દેશમાં વેક્સિનેશનના આંકડા આપતા સચિવે કહ્યું કે વેક્સિનેશનના બીજા રાઉન્ડમાં પહેલા દિવસે સોમવારે દેશભરમાં વેક્સિનના 88.09 લાખ ડોઝ અપાયા છે તેમાં મધ્યપ્રદેશ ટોપ પર છે.
અત્યંત ચેપી ડેલ્ટા વેરિયન્ટે (B.1.617.2) તેનું રુપ બદલી નાખ્યું છે અને તે ડેલ્ટા પ્લસ એટલે કે ‘AY.1’variant માં ફેરવાઈ ગયો છે. નેશનલ સેન્ટર ફોર ડિસિઝ કન્ટ્રોલના ડિરેક્ટર ડોક્ટર સુજીત સિંહે જણાવ્યું કે તમિલનાડુ, મહારાષ્ટ્ર, પંજાબ અને મધ્યપ્રદેશ સહિત બીજા કેટલાક રાજ્યોોમાં ડેલ્ટા પ્લસ વેરિયન્ટના 20 કેસો મળ્યાં છે.
માર્ચ-એપ્રિલના કેટલાક સેમ્પલોની તપાસ થશે
તેમણે કહ્યું કે Indian SARS-CoV-2 Genomic Consortia સંસ્થાન ડેલ્ટા પ્લસ વેરિયન્ટના સંક્રમણ ફેલાવવાની ક્ષમતા તથા તેની ગંભીરતાનો સ્ટડી કરી રહી છે. માર્ચ અને એપ્રિલ મહિનાના કેટલાક સેમ્પલોનું પણ પૃથ્થકરણ કરવામાં આવશે જેથી કરીને ખબર પડે કે શું આ બન્ને મહિનામાં ડેલ્ટા પ્લસ વેરિયન્ટના કોઈ કેસો હતા કે નહીં. ડેલ્ટા પ્લસ વેરિયન્ટની 13 જુનના રોજ જાણકારી મળી હતી. તેમણે કહ્યું કે અમે ભૂતકાળના કેટલાક સેમ્પલોની પણ ચકાસણી કરી રહ્યાં છીએ. ડેલ્ટા પ્લસ વેરિયન્ટને સારી રીતે સમજવા માટે અમે ક્લીનિકલ ડિટેઈલ્સની ચકાસણી કરવાનું પણ શરુ કર્યું છે. આગામી એક બે દિવસમાં આ અંગે નિવેદન આપવામાં આવશે.
ડેલ્ટા પ્લસ વેરિયન્ટના મહારાષ્ટ્રમાં 16 કેસો નોંધાયા
ડેલ્ટા પ્લસ વેરિયન્ટના સૌથી વધારે કેસો મહારાષ્ટ્રમાં નોંધાયા છે. મહારાષ્ટ્રના રત્નાગિરિ જિલ્લામાં ડેલ્ટા પ્લસ વેરિયન્ટના 16 કેસો નોંધાયા છે. મે મહિનામાં રત્નાગિરિમાં પાંચ કેસો નોંધાયા હતા ત્યાર બાદ વધુ 50 સેમ્પલોને જીનોમ સિકન્વસિંગ માટે મોકલાયા હતા.