ભારતમાં પહેલી વાર મળેલા ડેલ્ટા વેરિયન્ટ અંગે WHO ચીફ ટેડ્રોસ અદહાનોમે ચેતવણી આપી છે. તેમણે કહ્યું કે ડેલ્ટા વધારે ચેપી છે અને સમયની સાથે બદલાઈ રહ્યો છે.
ભારતમાં પહેલી વાર મળેલા ડેલ્ટા વેરિયન્ટ અંગે WHO ની મોટી ચેતવણી
WHO ડિરેક્ટરે કહ્યું દુનિયા કોરોના મહામારીના અત્યંત ખતરનાક યુગમાં છે
ટેડ્રોસ અદહાનોમે કહ્યું કે ડેલ્ટા વધારે ચેપી છે અને સમયની સાથે બદલાઈ રહ્યો છે
ટેડ્રોસ અદહાનોમે કહ્યું કે જે દેશોમાં ઓછી વસતીને વેક્સિન અપાઈ છે ત્યાંની હોસ્પિટલોમાં ફરી વાર દર્દીઓની સંખ્યામાં વધારો થઈ રહ્યો છે. ટેડ્રોસે શુક્રવારે સંવાદદાતા સંમેલનમાં કહ્યું- ડેલ્ટા જેવું સ્વરૂપ વધુ સંક્રામક છે અને ઘણા દેશોમાં તે ફેલાય રહ્યું છે. આ સાથે આપણે મહામારીના ખતરનાક તબક્કામાં છીએ. ગેબ્રેયસસે કહ્યુ- કોઈપણ દેશ અત્યારે ખતરાથી બહાર નથી. ડેલ્ટા સ્વરૂપ ખતરનાક છે અને સમયની સાથે વધુ બદલાય રહ્યો છે જેના પર સતત નજર રાખવાની જરૂર છે. તેમણે કહ્યું કે, ડેલ્ટા સ્વરૂપ ઓછામાં ઓછા 98 દેશોમાં સામે આવ્યું છે અને તે દેશોમાં ઝડપી ફેલાવો થઈ રહ્યો છે, જ્યાં રસીકરણ ઓછું થયું છે.
પ્રત્યેક દેશની 70 ટકા વસતીને વેક્સિન આપવી જરુરી
વિશ્વ આરોગ્ય સંસ્થાના ચીફે કહ્યુ- જન સ્વાસ્થ્ય અને સામાજિક ઉપાયો જેમ કે નજર રાખવી, શરૂઆતી સ્તર પર બીમારીની ઓળખ કરવી, ક્વોરેન્ટાઈન અને સ્વાસ્થ્ય દેખરેખ હજુ મહત્વપૂર્ણ છે. ડબ્લ્યૂએચઓના ડાયરેક્ટર જનરલે કહ્યુ કે, માસ્ક લગાવવું, સામાજીક અંતર, ભીડ વાળી જગ્યાઓછી બચવુ અને ઘરોને વેન્ટિલેટેડ રાખવાની પર્યાપ્ત વ્યવસ્થા મહત્વની છે. તેમણે દુનિયાભરના નેતાઓને વિનંતી કરી કે તે એકસાથ મળીને નક્કી કરે કે આગામી વર્ષ સુધી દરેક દેશની 70 ટકા વસ્તીને કોરોના વિરોધી રસી લગાવવામાં આવે.
100 દેશોમાં ભારતનો ડેલ્ટા વેરિયન્ટ ફેલાયો
તેમણે કહ્યું, મહામારી ખતમ કરવા, લોકોના જીવન બચાવવા, વૈશ્વિક આર્થિક રિકવરી તથા ખતરનાક સ્વરૂપોને પેદા થવા રોકવાની આ સૌથી સારી રીત છે. આ સપ્ટેન્બરના અંત સુધી અમે નેતાઓને બધા દેશોની ઓછામાં ઓછી 10 ટકા વસ્તીનું રસીકરણ કરવાની વિનંતી કરી રહ્યાં છીએ. ડબ્લ્યૂએચઓએ આ સપ્તાહે કહ્યું હતું કે સૌથી પહેલા ભારતમાં જોવા મળેલું ડેલ્ટા સ્વરૂપ ઓછામાં ઓછા 100 દેશોમાં સામે આવ્યું છે.