અત્યાર સુધીમાં 85 દેશોમાં ડેલ્ટા વેરિએન્ટ અસર જોવા મળી છે. ત્રીજી લહેર માટે ડેલ્ટા જ જવાબદાર હશે.
85 દેશોમાં ડેલ્ટા વેરિએન્ટ અસર જોવા મળી
ત્રીજી લહેર માટે ડેલ્ટા જ જવાબદાર હશે
બીટા સંક્રમણની સરખામણીમાં 60 ટકા વધારે સંક્રમક ડેલ્ટા
કોરોના વાયરસનો ડેલ્ટા વેરિએન્ટ હવે આખી દુનિયાને ડરાવી રહ્યો છે. અત્યાર સુધીમાં 85 દેશોમાં તેની અસર જોવા મળી છે. એવી આશંકા વ્યક્ત કરાઈ રહી છે કે ત્રીજી લહેર માટે ડેલ્ટા જ જવાબદાર હશે. આફ્રીકામાં ડેલ્ટાને લીધે ત્રીજી લહેરે એન્ટ્રી કરી છે. વિશેષજ્ઞોના કહેવા પ્રમાણે સાઉથ આફ્રીકામાં કોરોના વધતા કહેર માટે ડેલ્ટા જવાબદાર છે.
બીટા સંક્રમણની સરખામણીમાં 60 ટકા વધારે સંક્રમક ડેલ્ટા
વિટ્સ યૂનિવર્સીટીમાં રસી અને સંક્રમણ રોગ વિશ્લેષણાત્મક અનુસંધાન યુનિટના ડિરેક્ટર શબ્બીર માઘીએ ન્યૂઝ ચેનલ ઈએનસીએને જણાવ્યું કે એવું જણાઈ રહ્યું છે કે ડેલ્ટા વેરિએન્ટના ટ્રાન્સમિશનમાં વૃદ્ધિ થઈ છે. જે બીટા સંક્રમણની સરખામણીમાં 60 ટકા વધારે સંક્રમક છે ઉલ્લેખનીય છે કે બીટા વેરિએન્ટની ઓળખ સૌથી પહેલા સાઉથ આફ્રીકામાં થઈ.
અહીં બેડ ઓછા પડી રહ્યા છે
સાઉથ આફ્રીકાની સ્થિતિ ખરાબ થતી જણાઈ રહી છે. અહીં બેડ ઓછા પડી રહ્યા છે. અંતિમ સંસ્કાર માટે સંગઠનની અછત વર્તાઈ છે. ભારતીય સમુદાયો પર વધારે અસર પડી રહી છે. શબ્બીરે કહ્યું જે બીજી લહેરમાં સંક્રમિત થયા હતા તે ફરી સંક્રમિત થઈ રહ્યા છે આ અતિસંવેદનશીલ છે.
નવા વેરિએન્ટને 18,762 કેસ સામે આવ્યા
કોરોનાની ત્રીજી લહેરમાં સૌથી વધારે આર્થિક કેન્દ્ર ગૌતેંગ પ્રાંત પર પડી છે. એનઆઈસીડીએ શુક્રવારે કહ્યું કે રાષ્ટ્રીય સ્તર પર કોરોના વાયરસના નવા વેરિએન્ટને 18,762 કેસ સામે આવ્યા છે અને રાતોરાત 215 ના મોત થયા છે. જેમાંથી 63 ટકા મામલા ગૌતેંગ પ્રાંતમાં છે. માઘીએ કહ્યું કે ત્રીજી લહેર બીજી લહેરની સરખામણીએ વધારે સંક્રમણ અને મોતનું કારણ બની રહી છે.
85 દેશોમાં જોવા મળેલો આ ડેલ્ટા વેરિએન્ટ
બીજી તરફ વિશ્વ સ્વાસ્થ્ય સંગઠનના પ્રમુખ ટેડ્રોસ અદહાનમ ગેબ્રેયેસસે ચેતવ્યા છે કે ઓછામાં ઓછા 85 દેશોમાં જોવા મળેલો આ ડેલ્ટા વેરિએન્ટ સૌથી વધારે સંક્રમક છે અને આ એ લોકોમાં ઝડપથી ફેલાઈ રહ્યો છે જેમણે રસી નથી લીધી. ડબ્લ્યૂએચઓના ડિરેક્ટરે કહ્યું કે હું જાણું છુ કે હાલમાં ડેલ્ટાને લઈને વિશ્વમાં ઘણી ચિંતા છે અને અમે પણ આને લઈને ચિંતિત છે. કોરોનાનું ડેલ્ટા સ્વરુપ સૌથી પહેલા ભારતમાં જોવા મળ્યું હતુ.