મહામારી / બીજી લહેરમાં પહેલી વાર દિલ્હીમાં સર્જાયો ચમત્કાર, અનલોકિંગ પર સીએમ કેજરીવાલે આપ્યો આ જવાબ

• દિલ્હીમાં કોરોના થયા વળતા પાણી
• 1 દિવસમાં ફક્ત 900 કેસો
• કેસો ઘટતા અનલોકિંગની માંગણી વધતા લાગી
• કેજરીવાલે લોકોને ધીરજ રાખવાની કરી અપીલ 

કોરોનાની બીજી લહેરમાં પહેલી વાર કોરોનાના કેસો 1000 થી નીચે આવ્યો છે. કેસોમાં મોટો ઘટાડો થતા હવે દિલ્હીમાં અનલોકિંગની પણ માંગ વધવા લાગી છે. દિલ્હી સીએમ કેજરીવાલે ભરોસો આપ્યો કે કોરોના કેસો ઘટવાની સાથે જ ધીરે ધીરે બધુ ખોલવામાં આવશે.

છેલ્લા 24 કલાકમાં કોરોનાના ફક્ત 900 કેસો

તેમણે કહ્યું કે છેલ્લા 24 કલાકમાં કોરોનાના ફક્ત 900 કેસો આવ્યાં છે જે બીજી લહેર પછી પહેલી વાર આટલા ઓછા કેસો આવ્યાં છે. કેજરીવાલે કહ્યું કે મને આશા છે કે જેમ જેમ કેસો ઓછા થશે તેમ તેમ અનલોકિંગ કરીશ. અમારી ઈચ્છા છે કે ઈકોનોમિક એક્ટિવિટી ધીરે ધીરે પાટા આવે.

કેસો ઘટતા દિલ્હીમાં શરુ થઈ અનલોકિંગની માંગણી 

વેપારીઓએ હવે કેજરીવાલ સરકાર પાસે અનલોકની માંગ કરી છે. કેજરીવાલે તેમેને ધીરજ ધરવાની અપીલ કરી છે. કેજરીવાલે જણાવ્યું કે વેપારીઓની વ્યથા હું સમજું છું. તેમની બેચેની પણ હું સમજું છું. હું અખબારોમાં વાંચી રહ્યો હતો કે તેઓ થોડા નારાજ છે. 

પરિસ્થિતિ જેમ જેમ કાબુમાં આવશે તેમ તેમ બધી ગતિવિધિઓ શરુ કરીશું.

કેજરીવાલે આગળ કહ્યું કે હું તેમને કહેવા માંગું છું કે ઘણી મુશ્કેલીથી અમે લોકોએ દોઢ મહિના લોક કરીને આ સ્થિતિને કાબૂમાં કરી છે. થોડી ધીરજ રાખો. ઉતાવળ ન કરો. અમારી પણ ઈચ્છા છે કે માર્કેટ જલદીથી ખુલે.તેમની દુકાનો પણ ખુલે. જેમ જેમ સ્થિતિ કાબુમાં આવતી જશે તેમ તેમ અમે બધી ગતિવિધિઓ ખોલતા જઈશું.