દક્ષિણ દિલ્હીમાં હિટ એન્ડ રનની ઘટનામાં જેપ્ટો (Zepto) એ પોતાના કર્મચારીના મોત પર 10 લાખની આર્થિક મદદ કરી.
જેપ્ટો (Zepto) ના ડિલિવરી પાર્ટનરનું હિટ એન્ડ રનમાં મોત
કંપનીએ કર્મચારીના પરિવારને કરી રૂ. 10 લાખની આર્થિક મદદ
આ ઘટનામાં FIR પણ નોંધવામાં આવી
દક્ષિણ દિલ્હીના એક વિસ્તારમાં હિટ એન્ડ રનની ઘટનામાં જેપ્ટો (Zepto) ના એક ડિલિવરી પાર્ટનરનું મોત થયું છે. જે મામલે Zeptoએ તેના પરિવારને રૂપિયા 10 લાખની આર્થિક મદદ કરવાની જાહેરાત કરી છે. જેપ્ટોએ કહ્યું કે, 'આ ઘટનામાં FIR પણ નોંધવામાં આવી છે.'
આ ઘટનાને લઇને જેપ્ટોએ ટ્વિટર પર એક પોસ્ટ કરી છે. જેમાં તેઓએ જણાવ્યું કે, અમે પરિવારને રૂપિયા 10 લાખની તત્કાલ નાણાંકીય સહાયતા અને રૂપિયા 8 લાખની વધારાની વીમા રકમ આપીએ છીએ. અમે પરિવારને આ કઠીન સમયમાંથી પસાર થવા માટે સતત ભાવનાત્મક અને નાણાંકીય સહાયતા આપવાનું શરૂ રાખીશું.
અમે કરણ રાજુ (Zepto) ના મોતથી ખૂબ દુ:ખી છીએ
ફર્મે કહ્યું કે, તેમના સભ્યો દુર્ઘટનાની રાતથી જ તેઓના પરિવાર સાથે છે. અમે કરણ રાજુ (Zepto) ના મોતથી ખૂબ દુ:ખી છીએ. કરણે પોતાનું હેલમેટ પહેરેલું હતું અને રસ્તાની જમણી બાજુએ સવાર થઇ રહ્યો હતો ત્યારે અચાનક તેને પાછળથી એક વાહને જોરદાર ટક્કર મારી દીધી. જે એક હિટ એન્ડ રનનો મામલો કહી શકાય. જણાવી દઇએ કે, આ ઘટના ડિલિવરી પૂર્ણ કર્યા બાદ અમારા સેન્ટરમાં પરત ફરતી વેળાએ દક્ષિણ દિલ્હીમાં ઘટી હતી.
હોસ્પિટલમાં કર્મચારીનું મોત નિપજ્યું હતું
તમને જણાવી દઇએ કે, દુર્ઘટનામાં ઘાયલ થવાના કારણે કરણ રાજુને સફદરજંગ હોસ્પિટલમાં ભરતી કરવામાં આવ્યો હતો. જેમાં ગુરૂવારના રોજ તેનું મોત નિપજ્યું હતું. જેપ્ટો (Zepto) એક ઇન્સ્ટન્ટ ગ્રોસરી સ્ટાર્ટ અપ (Instant grocery delivery startup) છે.