દિલ્હીની 43 વર્ષીય મહિલાએ બ્રિટનના પીએમ બોરિસ જોનસનને એક સંકટ ભરેલો ઈ મેઈલ લખ્યો જેમાં લંડન સ્થિત દુતાવાસ, અહીનું વિદેશ મંત્રાલય અને દિલ્હી પોલીસ હરકતમાં આવી ગઈ તથા તેને આત્મહત્યા કરતા રોકી દીધી. પોલીસે જણાવ્યું કે બુધવારે રાતે મહિલાએ ઈમેલના માધ્યમથી પોતાના સંદેશમાં કહ્યું હતુ કે જો તેને 2 કલાકમાં મદદ નહીં મળે તો તે આત્મહત્યા કરી લેશે. પોલીસે જણાવ્યું કે તે પોતાના લગ્ન તુટવાને કારણે માનસિક રોગનો શિકાર બની હોવાનું જણાઈ રહ્યું હતુ.
મહિલાએ મદદ માટે બ્રિટન પીએમને ઈમેઈલ મોકલ્યો હતો
ઈમેલમાં પુરુ સરનામુ લખ્યું નહોતુ
ફોન કોલનો પણ જવાબ આપી રહી નહોતી.
એક વરિષ્ઠ પોલીસ અધિકારીએ જણાવ્યું કે લંડનના ભારતીય દૂતાવાસને તાત્કાલીક જાણ કરવામાં આવી, જેમણે વિદેશ મંત્રાલયના અધિકારીઓનો સંપર્ક કર્યો અને તાત્કાલિક પ્રતિક્રિયા આપવાનું કહેવામાં આવ્યું, કેમ કે મહિલાના જીવનને સંકટ હતુ. આ મામલો રોહિણીના અમર વિહાર પોલીસ સ્ટેશનમાં નોંધાયો છે. જેમાં પોલીસે મહિલાની શોધ માટે અડધી રાતે ઘર ઘર ભટકી હતી. કેમ કે તેણે ઈમેલમાં પુરુ સરનામુ લખ્યું નહોતુ અને ફોન કોલનો પણ જવાબ આપી રહી નહોતી.
અધિકારીઓએ જણાવ્યું કે મહિલાએ મદદ માટે બ્રિટન પીએમને ઈમેઈલ મોકલ્યો હતો. મહિલા માનસિક રુપે સ્વસ્થ જણાઈ રહી નહોતી. તેમણે કહ્યું કે મહિલા દેવાથી પરેશાન હતી અને દિલ્હીના રોહિણીમાં ભાડેથી રહેતી હતી.