IPLIN
 
  • Home
  • India
  • Delhi violence nsa Ajit doval interacts with the local residents of maujpur jafrabad

મુલાકાત / દિલ્હીના હિંસાગ્રસ્ત વિસ્તારોમાં ગલીએ ગલીએ ફરીને અજીત ડોભાલે જુઓ શું કર્યુ

Team VTV 05:44 PM, 26 Feb 20 | Updated: 09:02 PM, 26 Feb 20
Follow us
Delhi violence nsa Ajit doval interacts with the local residents of maujpur jafrabad

દેશની રાજધાની દિલ્હી હિંસાની આગમાં સળગી રહ્યું છે. નાગરિકતા સંશોધન કાયદો (CAA)ને લઇને શરૂ થયેલી હિંસાએ દિલ્હી વિકરાળ સ્વરૂપ ધારણ કરી લીધું છે. આ હિંસામાં કેટલાક લોકો પોતાનો જીવ ગુમાવી ચૂક્યા છે. ત્યારે રાષ્ટ્રીય સુરક્ષા સલાહકાર (NSA) અજીત ડોભાલને હિંસા રોકવાની જવાબદારી આપવામાં આવી. જ્યારબાદ ડોભાલ ફરી એક વખત નોર્થ-ઈસ્ટ દિલ્હીના સીલમપુર વિસ્તારમાં ડીસીપી ઓફિસ પહોંચ્યા.

  • હિંસા ગ્રસ્ત વિસ્તારોની અજીત ડોભાલે લીધી મુલાકાત
  • સીલમપુર વિસ્તારમાં ડીસીપી ઓફિસ પણ પહોંચ્યા ડોભાલ
  • પીએમ મોદીને આપશે પરિસ્થિતિનો તાગ

અજીત ડોભાલે આજે સીલમપુર વિસ્તારમાં ડીસીપી ઓફિસ ગયા બાદ ડોભાલે ફરી હિંસાગ્રસ્ત વિસ્તારોની મુલાકાત લીધી. આજે ડોભાલે મૌજપુર, જાફરાબાદ, ઘોંડાની મલુકાત લીધી. ત્યારે આ પહેલા પણ જાફરાબાદ, સીલમપુર સહિત નોર્થ-ઇસ્ટ દિલ્હીના કેટલાક વિસ્તારોની ડોભાલ મુલાકાત કરી ચૂક્યા છે.

ત્યારે આજે હિંસા પ્રભાવિત વિસ્તારોનો પ્રવાસ કર્યા બાદ એનએસએ અજીત ડોભાલે કહ્યું કે પોલીસ ઉતાવળથી કામ કરી રહી છે. તેમણે કહ્યું કે, સ્થિતિ સમગ્ર રીતે નિયંત્રણમાં છે. લોકો સંતુષ્ટ છે. મને કાયદા વ્યવસ્થા એજન્સીઓ પર ભરોસો છે. પોલીસ પોતાનું કામ કરી રહી છે.

આ દરમિયાન ડોભાલે સ્થાનીક લોકો સાથે મુલાકાત કરી તેમની સાથે વાત પણ કરી. લોકો સાથે વાતચીત કરતા ડોભાલે કહ્યું કે, પ્રેમની ભાવના બનાવી રાખો. આપણો એક દેશ છે. આપણે સૌએ મળીને રહેવાનું છે. દેશમાં મળીને આગળ વધવાનું છે.

પીએમ મોદીને આપશે પરિસ્થિતિનો તાગ

સૂત્રોના જણાવ્યા અનુસાર એનએસએ અજીત ડોભાલ આજે પ્રધાનમંત્રી અને કેબિનેટને પરિસ્થિતિની માહિતી આપશે. ત્યારે એનએસએએ સ્પષ્ટ કરી દીધું છે કે રાષ્ટ્રીય રાજધાનીમાં અરાજકતા સહન નહીં કરવામાં આવે. જરૂરી સંખ્યામાં પોલીસ દળ અને અર્ધસૈનિક દળોને તૈનાત કરવામાં આવ્યા છે. સ્થિતિને નિયંત્રણમાં લાવવા માટે પોલીસને ફ્રી હેન્ડ આપવામાં આવ્યા છે.

આ પહેલા પણ અજીત ડોભાલ રાત્રે સીલમપુર ગયા હતા. અજીત ડોભાલે સીલમપુર વિસ્તારમાં હાલની પરિસ્થિતિ વિશે પોલીસને માહિતી આપી હતી. પોલીસ અધિકારીઓએ આ મુલાકાતમાં ડોભાલને પરિસ્થિતિઓનો તાગ મેળવ્યો. બેઠકમાં તેમની સાથે પોલીસ કમિશ્નર, સંયુક્ત સીપી, ડીસીપી સહિત કેટલાક વરિષ્ઠ અધિકારીઓ હાજર રહ્યા હતા.

Delhi violence NSA Ajit Doval દિલ્હી હિંસા અજીત ડોભાલ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ