દિલ્હીમાં ગોળી ચલાવનારો શાહરૂખ પકડાયો છે. આરોપી શાહરૂખની ધરપકડ કરાઈ છે. જાફરાબાદમાં 8 રાઉન્ડ ફાયરિંગ કર્યું હતું. યુપીના બરેલીથી શાહરૂખને ઝડપી પાડવામાં આવ્યો છે. દિલ્હી ક્રાઈમ બ્રાંચે શાહરૂખની ધરપકડ કરી વધુ કાર્યવાહી હાથ ધરી છે.
જાફરાબાદમાં 24 ફેબ્રુઆરીએ શાહરુખ ફાયરિંગ બાદ પરિવાર સાથે ફરાર થઈ ગયો હતો. દિલ્હી ક્રાઈમ બ્રાન્ચની ટીમે શાહરુખની ધરપકડ ઉત્તર પ્રદેશની બરેલીમાંથી કરી હતી. હાલમાં તેની પૂછપરછ કરવામાં આવી રહી છે. સાથે તેને આશ્રય આપનાર લોકોની શોધખોળ શરુ કરવામાં આવી છે.
તેની ઓળખ શાહરુખ તરીકે થઈ હતી
દિલ્હી હિંસા દરમિયાન 24 ફેબ્રુઆરીના રોજ શાહરુખે 8 રાઉન્ડ ફાયરિંગ કર્યુ હતુ. ફાયરિંગ દરમિયાન એક પોલીસ હેડ કોન્સ્ટેબલ દિપક દોહિયા સામે બંદૂક તાકી હતી. ઉલ્લેખનીય છે કે પોલીસકર્મીએ લાકડી વડે તને રોક્યો હતો. ફાયરિંગ કરતો આ વ્યક્તિને ટોળામાં ગાયબ થઈ ગયો હતો એ બાદ તેની ઓળખ શાહરુખ તરીકે થઈ હતી.
પોલીસે શાહરુખનો ફોન સર્વેલન્સ પર મુક્યો હતો
દિલ્હી પોલીસે કેટલાય દિવસથી શાહરુખની શોધખોળ કરી રહી હતી. તે દિલ્હીના ઉસ્માનપુરનો રહેવાસી છે. પરંતુ ઘટના બાદ તે પરિવાર સાથે ફરાર થઈ ગયો હતો. તેમજ પોલીસે તેને મદદ કરનારાઓની શોધખોળ હાથ ધરી હતી.પોલીસે શાહરુખનો ફોન સર્વેલન્સ પર મુક્યો હતો. દિલ્હી પોલીસ આ બાબતે બપોરે 3.30 વાગે પત્રકાર પરિષદ યોજાવાની જેમાં આ કેસમાં વધુ વિગતો પર પ્રકાશ પાડવામાં આવશે.