દિલ્હી પોલીસની સ્પેશ્યિલ સેલે ચાંદબાગમાં IB કર્મચારી અંકિત શર્માની હત્યા બાદ એક આરોપી સલમાનને પકડી પાડ્યો છે. આરોપીઓએ અંકિત શર્માના કપડાં ફાડી દીધા અને સાથે જ ચપ્પા અને ડંડાથી હુમલો કર્યો હતો. આ સાથે જ તેઓ અંકિત શર્માને મારતા મારતા આપના ધારાસભ્ય તાહિર હુસૈનના ઘરમાં લઈ ગયા હતા. સ્પેશ્યિલ સેલ સલમાનની પૂછપરછ કરી રહી છે. શક્ય છે કે આ નિવેદનથી કેજરીવાલની ઉંઘ ઉડી જશે.
તાહિર હુસૈન પર છે અંકિત શર્માની હત્યાનો આરોપ
આરોપી સલમાને કર્યો મોતનો ખુલાસો
આરોપીના નિવેદનથી કેજરીવાલની ઊડી જશે ઉંઘ
દિલ્હી પોલીસની ટીમે એક આરોપી સલમાનને પકડી પાડ્યો છે. તાહિર હુસૈન આમ આદમી પાર્ટીનો કોર્પોરેટર પણ હતો. જોકે તાહિરનું નામ હિંસા સાથે જોડાતા જ આમ આદમી પાર્ટીએ તેનું સભ્ય પદ રદ કરી દીધું હતું પરંતુ હવે આરોપી સલમાનના નિવેદનને લઈને હવે કેજરીવાલની ઊંઘ ઉડી શકે છે. આરોપી સલમાને અન્ય આરોપીઓના નામ પણ જણાવ્યા છે.
આરોપીએ અંકિત શર્માની હત્યામાં સામેલ અન્ય આરોપીઓના નામનો ખુલાસો કર્યો છે. ચાંદબાગના રહેવાસી અંકિત શર્મા IBમાં કાર્ય કરી રહ્યા હતા. ઉત્તર પૂર્વી જિલ્લામાં હિંસા બાદ અંકિત શર્માનું બોડી જોહરીપુર અને ભાગીરથી વિહારમાં મળ્યું હતું. પોલીસ અધિકારીના જણાવ્યા અનુસાર અંકિત શર્માના શરીર પર 400થી વધારે ચપ્પાના ઘા જોવા મળ્યા હતા. દિલ્હી પોલીસની અપરાધ શાખાએ નેતા તાહિર હુસૈનને પકડી દીધો હતો. પણ પૂછપરછમાં તેણે અંકિત શર્માની હત્યાની વાતને નકારી હતી.
આરોપી સલમાને કરી આ કબૂલાત
સ્પેશ્યલ સેલના SPની ટીમે ગુરુવારે અંકિત શર્માની હત્યાના આરોપમાં સલમાનને પકડ્યો હતો. તેણે કહ્યું કે કેટલાક લોકો તેને મારીને લાવી રહ્યા હતા અને સાથે અંકિત શર્મા પર તેણે પર ચપ્પાથી વાર કર્યા હતા. સલમાને અંકિત શર્મા પર 7થી 8 વખત વાર કર્યા હતા.
આરોપીએ અન્ય નામનો પણ કર્યો ખુલાસો
આરોપી સલમાને કહ્યું કે અનેક લોકો આ સમયે અંકિત શર્મા પર વાર કરી રહ્યા હતા. આરોપીઓએ અંકિતના કપડાં પણ ફાડી દીધા હતા. સલમાને 4થી 5 આરોપીઓના નામનો ખુલાસો કર્યો છે. જે ખરેખર ચોંકાવનારી વાત છે.
દિલ્હી પોલીસે આપ નેતા તાહિર હુસૈન સામે તપાસ હાથ ધરી છે અને સાથે જ તાહિર હુસૈનની બંદૂક અને કારતૂસ પણ જપ્ત કરવામાં આવ્યા છે. આ સાથે વધુ તપાસ માટે તેનો મોબાઈલ પણ જપ્ત કરાયો છે. આ તમામ બાબતોએ નેતા કેજરીવાલની ઊંઘ ઉડાડી છે.