દિલ્હી હિંસા મામલામાં દિલ્હી હાઇકોર્ટમાં સુનાવણી શરૂ થઇ છે. દિલ્હી પોલીસે કોર્ટમાં પોતાનો જવાબ દાખલ કરવા માટે સમય માંગ્યો છે. તેના પર હાઇકોર્ટ 13 એપ્રિલ સુધીનો સમય આપી દીધો છે. ત્યાં સુધીમાં કેન્દ્ર સરકારે ભડકાઉ ભાષણ પર રિપોર્ટ સોંપવાની રહેશે. હવે પછી આ મામલાની સુનાવણી 13 એપ્રિલે થશે.
જવાબ દાખલ કરવા માટે દિલ્હી પોલીસે સમય માંગ્યો
કેન્દ્રના વકીલ બોલ્યા, અમે હિંસા રોકવાનો પ્રયાસ કરી રહ્યા છીએ
માત્ર ત્રણ ભડકાઉ નિવેદનોના આધારે કાર્યવાહીની માંગ ન કરી શકાય : દિલ્હી પોલીસના વકીલ
આ સાથે જ હાઇકોર્ટે કેન્દ્ર સરકાર એટલે કે ગૃહ મંત્રાલયને દિલ્હી હિંસા મામલામાં પક્ષકાર બનાવવાની દલીલને મંજૂરી આપી છે.
કેન્દ્ર અને દિલ્હી પોલીસના વકીલ સોલિસિટર જનરલ તુષાર મેહતાએ કહ્યું કે કાલે કોર્ટે આદેશ જારી કરી જવાબ માંગ્યો હતો કે જે ભડકાઉ નિવેદન આપવામાં આવ્યા હતા તેના પર કાર્યવાહી કરવામાં આવે, જ્યારે આ નિવેદન 1-2 મહીના પહેલા આપવામાં આવ્યા. અરજીકર્તા માત્ર ત્રણ ભડકાઉ નિવેદનોના આધારે કાર્યવાહીની માંગ ન કરી શકે.
હિંસા રોકવાની કોશિશ કરી રહ્યા છીએ
સોલિસિટર જનરલે કહ્યું કે અમારી પાસે આ ત્રણ હેટ સ્પીચ ઉપરાંત ઘણી અન્ય હેટ સ્પીચ છે. જેને લઇને ફરિયાદ દાખલ કરવામાં આવી. અરજીકર્તાએ માત્ર 3 વીડિયોનો હવાલો આપ્યો છે. એક જનહિત અરજીમાં આવુ ન હોઇ શકે. કેન્દ્રને પક્ષકાર બનાવવા જોઇએ કે નહીં એ કોર્ટે નક્કી કરવાનું હોય છે, અરજીકર્તાને નહીં. અમે હિંસાને નિયંત્રિત કરવાનો પ્રયાસ કરી રહ્યા છીએ.
તમામ વિરુદ્ધ FIR નોંધવામાં આવે
કેન્દ્રની આ દલીલ પર અરજીકર્તા તરફથી વકીલ કોલિન ગોંજાલ્વિશે કહ્યું કે સૌથી પહેલા આજે જ તમામની વિરુદ્ધ એફઆઇઆર નોંધવામાં આવે, ત્યારબાદ ધરપકડ કરવામાં આવે.
પોલીસે અત્યાર સુધીમાં 48 FIR નોંધી
ચીફ જસ્ટિસ ડીએન પટેલે પૂછ્યું કે 11 એફઆઇઆર નોંધવામાં આવી છે? સોલિસિટર જનરલ તુષાર મેહતાએ જવાબ આપતા કહ્યું કે કાલ સુધીમાં અમે 11 અને આજે 37 એફઆઇઆર નોંધી છે. કુલ 48 એફઆઇઆર નોંધવામાં આવી છે. અરજીકર્તા તેના પર એફઆઇઆર નોંધાવવા ઇચ્છે છે કે કપિલ મિશ્રાએ આમ કર્યું અથવા વારિસ પઠાણે આમ કર્યું. મોત અથવા આગચંપી કે લૂટફાટ થવા પર અમારે એફઆઇઆર નોંધવાની હોય છે. અન્ય મુદ્દાઓમાં સમય લાગે છે.
આ સુનાવણી પહેલા દિલ્હીના ઉપ રાજ્યપાલએ એક મહત્વપૂર્ણ આદેશ જારી કર્યો. દિલ્હી પોલીસનો પક્ષ સોલિસિટર જનરલ તુષાર મેહતા, એડિશનલ સોલિસિટર જનરલ મનિંદર આચાર્ય અને વરિષ્ઠ વકીલ રજત નૈય્યર રાખશે.
આ પહેલા ઉત્તર પૂર્વી દિલ્હીમાં થયેલી હિંસા પર બુધવારે દિલ્હી હાઇકોર્ટમાં મહત્વપૂર્ણ સુનાવણી થઇ. સુનાવણી દરમિયાન હિંસા પર કાબૂ મેળવવામાં નિષ્ફળ રહેલી દિલ્હી પોલીસને કોર્ટે ફટકાર લગાવી હતી.