દિલ્હીના ઉત્તર-પૂર્વ વિસ્તારમાં હિંસાથી અત્યાર સુધી 20 લોકોના મોત નિપજ્યાં છે. રવિવારે શરુ થયેલી આ હિંસાનો આજે ત્રીજો દિવસ છે. અર્ધસૌનિક દળોએ ફ્લેગ માર્ચ કરી અસરગ્રસ્ત વિસ્તારોમાં શાંતિ સ્થપાય એ માટે પ્રયાસ કર્યા હતા. દિલ્હી સીએમ અરવિંદ કેજરીવાલે પણ આર્મીને બોલાવવાની માંગ કરી છે કારણકે પોલીસ સ્થિતિ નિયંત્રણ લેવામાં અસક્ષમ બની છે તેમ તેમનું કહેવું છે. આવામાં હાલમાં સોશ્યલ મીડિયા પર દિલ્હીના માહોલના વીડિયો અને તસ્વીરો વાયરલ થઈ રહી છે જેમાં ત્યાંની પરિસ્થિતિનો ચિતાર મેળવી શકાય છે. જો કે આવામાં અમે અપીલ કરીએ છીએ કેટલાંક અફવા ફેલાવતા કે ઉશ્કેરણીજનક વીડિયો કે પોસ્ટથી સાવચેત રહેવું.
એક તરફ વીડિયોમાં લોકો મદદની માંગ કરી રહ્યા છે.
સોશિયલ મીડિયામાં હિંદુ-મુસ્લિમ એક હોવાના નારા લગાવતા વીડિયો પોસ્ટ થયા.
અમિત માલવીયાએ ગોળીબાર કરનારનો વીડિયો પોસ્ટ કરી તેનું નામ લખ્યું હતું.
People of northeast Delhi promoting “Hindu-Muslim Ekta” slogans in riot affected areas.♥️
એક મહિલા પત્રકારે એક ફેક વીડિયો પોસ્ટ કર્યો હતો. જેમાં તેણે મસ્જિદના મિનાર પર ચઢીને ચાંદ ઉતારનારા એક વ્યક્તિનો ફેક વીડિયો પોસ્ટ કરતાં તે વિવાદમાં સપડાયી હતી. ત્યારે બીજી તરફ લોકોએ ‘હિંદુ મુસ્લિમ એક હૈ’ના સૂત્રોચ્ચાર કરતી રેલી કાઢી હતી તેનો વીડિયો પોસ્ટ કર્યો હતો.
બીજી તરફ ભાજપના IT સેલ હેડ અમિત માલવીયાએ દિલ્હી હિંસામાં ગન સાથે દેખાયેલા વ્યક્તિનો વીડિયો પોસ્ટ કરીને લખ્યું હતું કે આનું નામ મહોમ્મદ શાહરુખ છે. જે પોલીસ પર ફાયરિંગ કરી રહ્યો છે.
જ્યારે મદરાશી જવાઈ નામના એક ટ્વીટર યુઝરે એક શીખ વ્યક્તિનો વીડિયો પોસ્ટ કર્યો હતો જેમાં તેઓ સરકાર પાસે મદદ માંગી રહ્યાં છે. વીડિયોમાં તેઓ એમ પણ જણાવી રહ્યાં છે કે અહીં પોલીસ ફોર્સ બહું ઓછી છે અને તેઓ સુરક્ષીત નથી. એટલું જ નહી તઓ વીડિયોમાં આ સ્થિતીને બતાવી પણ કહ્યાં છે.
જ્યારે ભાજપના શોભા કરન્ડલાજે એ ટ્વીટર પર દિલ્હી હિંસાનો એક વીડિયો પોસ્ટ કર્યો છે. જેમાં એમ સંખ્યા બંધ લોકો રસ્તા પર ઉતરી આવ્યાં છે અને બીજી તરફ રોડ પર વસ્તુઓ સળગાવી રહ્યા છે. સ્થિતિ કેટલી ગંભીર છે તે દર્શાવવાનો પ્રયાસ કર્યો છે.