ઉત્તર-પૂર્વીય દિલ્હીમાં હિંસક પ્રદર્શનમાં અત્યાર સુધી 7ના મોત થઈ ચૂક્યા છે અને 105થી વધુ લોકો ઘાયલ થઈ ચૂક્યાં છે. હિંસા થનારા વિસ્તારોમાં હાલમાં ભારે ફોર્સ ખડકી દેવાઈ છે. ઉલ્લેખનીય છે કે હાલમાં અમેરિકી રાષ્ટ્રપતિ ડોનાલ્ડ ટ્રમ્પ અને અમેરિકાની ફર્સ્ટ લેડી મેલેનિયા ટ્રમ્પ પણ દિલ્હીમાં હાજર છે.
ઉત્તર-પૂર્વીય દિલ્હીમાં હિંસક પ્રદર્શનમાં અત્યાર સુધી 7ના મોત થઈ ચૂક્યા છે
અમેરિકી રાષ્ટ્રપતિ ડોનાલ્ડ ટ્રમ્પ અને મેલેનિયા ટ્રમ્પ પણ દિલ્હીમાં હાજર છે
ઉત્તર-પૂર્વીય દિલ્હીમાં હિંસા હજુ પણ યથાવત છે. ત્યારે દેશની રાજધાનીમાં બગડી રહેલા માહોલને જોતાં કેન્દ્રીય ગૃહમંત્રી અમિત શાહએ હાઈ-લેવલ મીટિંગ બોલાવી છે. આ મીટિંગમાં દિલ્હીના CM અરવિંદ કેજરીવાલ (Arvind Kejriwal) અને પોલીસ અધિકારીઓ શામેલ છે. દિલ્હી હિંસાને લઈને અમિત શહા ખુદ ઘણાં ઍક્ટિવ થઈ ગયાં છે અને છેલ્લાં 14 કલાકમાં તેમણે બે મોટી મીટિંગ બોલાવી છે. સોમવારે રાત્રે 10 વાગ્યે પણ તેમણે દિલ્હીના મોટા અધિકારીઓ સાથે બેઠક કરી હતી અને હવે તેમની બેઠક કેજરીવાલ સાથે થઈ છે.
Delhi CM Arvind Kejriwal: Everyone wants that the violence be stopped. The Home Minister had called a meeting today, it was a positive one. It was decided that all the political parties will ensure that peace returns to our city. #NortheastDelhipic.twitter.com/OXQtZES6by
આ પહેલાં કેજરીવાલે પોતાના ધારાસભ્યો અને પ્રમુખ સચિવોની બેઠક બોલાવી હતી. કેજરીવાલે દિલ્હીના હિંસા પ્રભાવિત ક્ષેત્રોના ધારાસભ્યોની સાથે બેઠક બાદ મીડિયાને સંબોધન કરતા લોકોને શાંતિની અપીલ કરી હતી. આ દરમ્યાન તેમણે આરોપ લગાવ્યો કે બૉર્ડરથી બહારના લોકો આવીને હિંસા ભડકાવી રહ્યાં છે. જ્યારે ભાજપના સાંસદ ગૌતમ ગંભીરે પણ કહ્યું કે હિંસા ભડકાવવામાં કોઈનો પણ હાથ હોય તેના વિરુદ્ધ કડક કાર્યવાહી થવી જોઈએ.
અત્યાર સુધી હિંસામાં 7ના મોત
ઉત્તર-પૂર્વીય દિલ્હીમાં હિંસક પ્રદર્શનમાં અત્યાર સુધી 7 લોકોના મોત થયા છે. દિલ્હીમાં નાગરિકતા સંશોધન કાયદા (CAA)ને લઈને વિરોધ પ્રદર્શનો હવે એક પ્રકારે સાંપ્રદાયિક રૂપ લઈ રહ્યું છે. મૌજપુર, કબીર નગર અને જાફરાબાદમાં મંગળવારે હિંસાના ત્રીજા દિવસે હાલત વધારે ગંભીર બની છે. મૌજપુરમાં તો સવાર-સવારમાં જ પથ્થરબાજી શરૂ થઈ હતી અને કેટલાંક વાહનોને આગચંપી કરાઈ હોવાના પણ સમાચાર મળ્યાં છે.
ઉલ્લેખનીય છે કે અમેરિકી રાષ્ટ્રપતિ ડોનાલ્ડ ટ્રમ્પ અને અમેરિકાની ફર્સ્ટ લેડી મેલેનિયા ટ્રમ્પ પણ દિલ્હીમાં હાજર છે. આ પહેલાં દિલ્હીની પરિસ્થિતિ પર કેન્દ્રીય ગૃહમંત્રી અમિત શાહે સોમવારે મોડી રાત્રે ઈમરજન્સી બેઠક બોલાવી હતી. આ બેઠક મોડી રાત 10 વાગ્યા સુધી ચાલી હતી જેમાં દિલ્હીની પરિસ્થિતિ પર જલ્દીથી કાબૂ લેવા માટે હાઈ-લેવલ ચર્ચા કરવામાં આવી હતી.
દિલ્હીમાં આજે ફરી હિંસા ભડકી
દિલ્હીમાં આજે ફરી હિંસા ભડકતા 5 મેટ્રો સ્ટેશન - જાફરાબાદ, મૌજપુર-બાબરપુર, ગોકુલપુરી, જોહરી ઍન્કલેવ અને શિવ વિહાર બંધ રાખવામાં આવ્યાં હતાં. વેલકમ મેટ્રો સ્ટેશન પર જ યાત્રા સમાપ્ત કરવામાં આવી રહી છે. કેટલાંક વિસ્તારોમાં આજે સ્કૂલો-કોલેજો પણ બંધ રખાઈ છે.