રાજધાની દિલ્હીમાં ઠંડીનો પારો રોજ નવો રેકોર્ડ બનાવી રહ્યો છે. દિલ્હીમાં આજે સીઝનનો સૌથી ઠંડો દિવસ રહ્યો છે. સવારે 6 વાગ્યે દિલ્હીનું તાપમાન 5.6 ડિગ્રી સેલ્સિયસ નોંધવામાં આવ્યું છે. અધિકતમ તાપમાન 17 ડિગ્રીની આસપાસ રહેવાનું અનુમાન છે. આ સાથે જ અહીં AQI 250ને પાર પહોંચ્યો હતો.
દિલ્હીમાં સીઝનનો સૌથી ઠંડો દિવસ
તાપમાન 5.6 ડિગ્રીને પાર નોંધાયું
AQI 250ને પાર પહોંચ્યો
રાજધાની દિલ્હીમાં ઠંડી રોજ એક નવો રેકોર્ડ બનાવી રહી છે. આજે સીઝનનો સૌથી ઠંડો દિવસ નોંધાયો હતો. સવારે 6 વાગ્યાના સમયે દિલ્હીનું તાપમાન 5.6 ડિગ્રી નોંધાયું હતું. આ સાથે અધિકતમ તાપમાન પણ 17 ડિગ્રી નોંધાયું છે. વાયુ પ્રદૂષણમાં કોઈ ઘટાડો જોવા મળ્યો નથી. સવારે દિલ્હી એનસીઆરમાં AQI 250ને પાર જોવા મળ્યો હતો. તો વજીરપુરમાં તે 269નો જોવા મળ્યો હતો.
શીતલહેરનો પ્રકોપ ચાલુ
દિલ્હી એનસીઆરમાં શીતલહેરનો પ્રકોપ સતત ચાલુ રહ્યો છે. ઠંડી હવાઓના કારણે લોકો ઘરમાં રહેવા મજબૂર છે. ગુરુવારે NCRનું તાપમાન પણ નીચું રહ્યું હતું જેના કારણે ઠંડીનો અહેસાસ વધ્યો હતો. સફદરજંગમાં ન્યૂનતમ તાપમાન સવારે 6 વાગ્યા બાદ 5.6 ડિગ્રી નોંધાયું હતું.
રેલ્વે સ્ટેશન પર ફસાયા લોકો, નાઈટ શેલ્ટરમાં વધી ભીડ
સૌથી વધારે મુશ્કેલી બહારથી આવનારા લોકોને પડી હતી. નવી દિલ્હી રેલ્વે સ્ટેશન સહિત દિલ્હી એનસીઆરમાં ઠંડીથી બચવા માટે લોકો નાઈટ શેલ્ટરનો સહારો લઈ રહ્યા છે. હવામાન વિભાગની જાણકારી અનુસાર આવનારા થોડા દિવસ સુધી મોસમનો આ મિજાજ કાયમ રહેશે. સાથે જ તાપમાનમાં ઘટાડો જોવા મળી શકે છે.
Delhi: People take refuge in night shelters as mercury dips in the national capital; visuals from a night shelter near AIIMS (All India Institute of Medical Sciences). pic.twitter.com/MpgLT2kkCi