શોકિંગ / દિલ્હીમાં જેજે કોલોની વિસ્તારમાં અજાણ્યા શખ્સે કર્યું ફાયરિંગ, 2ના મોત એક ઘાયલ

• દિલ્હીમાં ફાયરિંગની ઘટના 
• માસ્ક પહેરીને આવેલા લોકોએ કર્યું ફાયરિંગ 
• બે લોકોના મોત, એક ઘાયલ

સરેઆમ ફાયરિંગની ઘટના 

અમેરિકામાં છાશવારે ઓપન ફાયરિંગની ઘટનાઓ જોવા મળતી હોય છે. પણ આવી જ એક ફાયરિંગની ઘટના દિલ્હીમાં જોવા મળતા ચકચાર મચી ગઈ છે. દિલ્હી ક્રાઇમ કેપિટલ તરીકે અગાઉ પણ કુખ્યાત થઈ ચૂક્યું છે ત્યારે ફરી એક એવી ઘટના બની છે જેણે લોકોની સુરક્ષા વ્યવસ્થા સામે પ્રશ્ન ઊભા કર્યા છે. 

Delhi | Unidentified persons open fire in JJ Colony area

The neighbours informed me that 2 people came with covered faces & fired at my brother & 2 other older men who were sitting with him. Police told us 2 killed, incl my brother, & 1 is seriously injured: Brother of deceased pic.twitter.com/jGPxsW0ZJ8

— ANI (@ANI) August 22, 2022

મૃતકના ભાઈએ શું કહ્યું 

ફાયરિંગની આ ઘટનામાં બે લોકોએ જીવ ગુમાવ્યો હતો અને એક વ્યક્તિ ઇજાગ્રસ્ત થઈ હતી અને બાદમાં તેને હોસ્પિટલ ખસેડવામાં આવી હતી. મૃતકનાં ભાઈએ કહ્યું હતું કે,'મને પાડોશીઓ દ્વારા જણાવવામાં આવ્યું કે બે અજાણ્યા શખ્સો આવ્યા હતા અને તેમણે માસ્ક પહેર્યા હતા. આ બંને શખ્સોએ ફાયરિંગ કરતાં બે વ્યક્તિનાં મોત થયા હતા જેમાં મારા ભાઇનો પણ સમાવેશ થાય છે. આ સિવાય એક વ્યક્તિ ઇજાગ્રસ્ત થઈ હતી. ફાયરિંગ કરવા આવેલ બે માસ્કધારી વ્યક્તિની સાથે અન્ય લોકો પણ હાજર હતા. 

ક્રાઇમ કેપિટલની દિલ્હીની ઇમેજ 

દિલ્હીમાં બનેલ અનેક ક્રાઇમની હચમચાવી મુકતી કહાનીઓનાં કારણે દિલ્હી આજે દેશનાં ક્રાઇમ કેપિટલની ઇમેજ ધરાવે છે. આ પ્રકારે કોઈ પણ અજાણ્યા લોકો પાસે ગન ક્યાંથી આવી એ સવાલ છે. અને સરાજાહેર આ રીતે આવીને કોઇની હત્યા કરી નાખી તો સામાન્ય લોકોની સુરક્ષા વિષે પણ સવાલ ઊભા થઈ રહ્યા છે.