મુંબઈ હુમલાના માસ્ટમાઈન્ડ અંડરવર્લ્ડ ડોન અને ભારતના મોસ્ટ વોન્ટેડ દાઉદ ઈબ્રાહિમની વધુ એક ઈચ્છાનો મોટો ખુલાસો થયો છે. દિલ્હી પોલીસ સ્પેશ્યિલ સેલે પકડેલા 6 આતંકીઓને પૂછપરછમાં ચોંકાવનારો ખુલાસો થયો છે.
દિલ્હીમાં ઝડપાયેલ 6 આતંકીઓ મુદ્દે મોટો ખુલાસો
દાઉદનો ભાઈ અનીસ મદદ કરતો હોવાનું આવ્યું સામે
ISI અને અંડરવર્લ્ડ કનેક્શન પણ ખુલ્યું
મળતી જાણકારી પ્રમાણે, આતંકવાદીઓ પાછળ દાઉદ ઈબ્રાહીમના ભાઈ અનીસ ઈબ્રાહિમની મહત્વની ભૂમિકા સામે આવી છે. આ સાથે જ પાકિસ્તાની જાસૂસ એજન્સી ISI પણ સામેલ હોવાના ખુલાસાથી હડકંપ મચી જવા પામ્યો છે.
ISI અને અંડરવર્લ્ડ કનેક્શન આવ્યું સામે
નોંધનીય છે કે, ઝડપાયેલા 6 આતંકીઓમાંથી 2 આતંકીઓએ પાકિસ્તાનમાં ટ્રેનિંગ લીધેલી છે અને તેની વ્યવસ્થા ISI અને અંડરવર્લ્ડ દ્વારા કરવામાં આવી હતી.
દરેક રીતે અનીસ કરતો હતો મદદ
મળતી માહિતી મુજબ, અનીસ ઇબ્રાહિમ આ આતંકવાદીઓને દહેશત ફેલાવવા માટે દરેક રીતે મદદ કરી રહ્યો હતો. ભારતમાં, તે તેમને પૈસા, વિસ્ફોટકો અને હથિયારો પહોંચાડતો હતો. હવે પોલીસ એ શોધી રહી છે કે દેશમાં અનીસ અને આતંકવાદીઓ વચ્ચે કોઈ સંબંધ હતો કે નહીં. આ સાથે અનીસના ઠેકાણાની પણ તપાસ કરવામાં આવી રહી છે.
Delhi Police Special Cell busts Pak organised terror module, arrests two Pak-trained terrorists; Explosives and firearms recovered in a multi-state operation: DCP Special Cell Pramod Kushwaha pic.twitter.com/17QANvAyYX
મળતી જાણકારી પ્રમાણે, દિલ્હી પોલીસના સ્પેશિયલ સેલ દ્વારા આ ઓપરેશન સફળતા પૂર્વક પાર પાડવામાં આવ્યું હતું. જેમાં આતંકી પ્રવૃત્તિ સાથે સંકળાયેલા કેટલાક લોકોને દબોચી લીધા હતા. સ્પેશિયલ સેલના ડીસીપી પ્રમોદ કુશવાહાએ કે પાકિસ્તાનમાંથી ટ્રેનિંગ લઈને આવેલા 2 સહિત કુલ 6 લોકોની ધરપકડ કરાઈ છે. તહેવારો પહેલા દિલ્હીમાંથી વિસ્ફોટક પદાર્થ સાથે આતંકીઓની ધરપકડથી સમગ્ર દેશમાં ખળભળાટ મચી ગયો છે.
પોલીસના જણાવ્યા અનુસાર આતંકવાદી મૉડ્યુલનો મોટો પર્દાફાશ થયો છે. કારણ કે આ પકડાયેલા લોકો પાસેથી ભારે માત્રામાં વિસ્ફોટક પદાર્થ પણ મળી આવ્યો છે.પોલીસ સૂત્રોના જણાવ્યા અનુસાર, આ તમામ આતંકવાદીઓ દેશના વિવિધ શહેરોમાં મોટા ષડયંત્રની યોજના બનાવી રહ્યા હતા અને આવનારા સમયમાં ગભરાટ ફેલાવવા માટે એક મોટો પ્લાન તૈયાર હતો. આ વાતનો ખુલાસો કરતા સ્પેશિયલ સેલ અને યુપી એટીએસે તમામને પકડી પાડ્યા હતા. આ સાથે, આ લોકો દેશના ઘણા મોટા અને પ્રખ્યાત લોકોને પણ નિશાન બનાવવાના હતા.
ISI નો હાથ હોવાનું આવ્યું સામે
કહેવામાં આવી રહ્યું છે કે જે બે પાકિસ્તાન પ્રશિક્ષિત આતંકવાદીઓની ધરપકડ કરવામાં આવી છે તેઓ સીધા જ પાકિસ્તાનની ગુપ્તચર એજન્સી આઈએસઆઈ સાથે સંબંધિત છે. તે જ સમયે, તેને અંડરવર્લ્ડનો ટેકો પણ મળી રહ્યો હતો. ISI એ તેમને સંપૂર્ણ આયોજન સાથે અહીં મોકલ્યા હતા અને ઘણા શહેરોમાં ગભરાટ ફેલાવવા માટે એક મોટો પ્લાન તૈયાર કરવામાં આવ્યો હતો. જેના માટે તેણે હથિયારો અને વિસ્ફોટકોનો મોટો જથ્થો પણ જમા કરાવ્યો હતો.