નવી દિલ્હી ખાતે ભારતીય રાષ્ટ્રીય કોંગ્રેસની વિશેષ સબજેક્ટ કમિટીની બેઠક મળી હતી. જે મોડી રાત્રે સંપન્ન થઈ હતી. કોંગ્રેસ પક્ષની વિશેષ સમિતિમાં કોંગ્રેસ સ્ટીયરિંગ સમિતિના દરેક સભ્યો ધારાસભ્યો અને પ્રદેશ કોંગ્રેસ કમિટીના પ્રમુખો સંસદીય દળના તમામ પદાધિકારીઓ અગ્રણી સંગઠનોના તમામ અધ્યક્ષો આ બેઠકમાં હાજર રહ્યા હતા.
આ બેઠકમાં 4 મુખ્ય પ્રસ્તાવ પર નિર્ણય કરવામાં આવ્યો હતો. જેમાં રાજનીતિક પ્રસ્તાવ વિદેશ નીતિ પ્રસ્તાવ અર્થ વ્યવસ્થા પર પ્રસ્તાવ તથા ખેતીવાડી રોજગાર અને ગરીબી નાબૂદી પર એક પ્રસ્તાવો પર ચર્ચા કરવામાં આવી હતી.
રાહુલ ગાંધીના નેતૃત્વવાળી સબજેક્ટ કમિટીની બેઠકમાં રજૂ થયેલા તમામ પ્રસ્તાવો આવતીકાલે મળનારા કોંગ્રેસના મહા અધિવેશનમાં રજૂ કરવામાં આવશે. કોંગ્રેસનું મહાઅધિવેશન આવતીકાલે મળનાર છે.ત્યારે આજે મળેલી સબજેક્ટ કમિટીની બેઠકમાં આગામી 5 વર્ષ માટેની કોંગ્રેસની દિશા વિચાર અને માર્ગ નિર્માણ નક્કિ કરવામાં આવ્યો હતો.