સલામતિ / દેશમાં મહિલાઓની સુરક્ષા પર સવાલ, PM મોદીની ભત્રીજી સાથે દિલ્હીમાં એવું થયું કે...

• દિલ્હીમાં સ્નેચરો બન્યા બેફામ
• PM મોદીની ભત્રીજીનું પર્સ ચોરાયું

તેણી પતિ સાથે ઓટોમાં હતી. આ સમય દરમિયાન સ્નેચર, તેના હાથમાંથી પર્સ છીનવીને ફરાર થઈ ગયો હતો. આ કેસની માહિતી મળતાં પોલીસે આરોપીની શોધખોળ શરૂ કરી હતી. 

દિલ્હીના ગુજરાતી સમાજ ભવન નજીક બની ઘટના
 
સ્થાનિક પોલીસના જણાવ્યા મુજબ, પ્રધાનમંત્રી નરેન્દ્ર મોદીની ભત્રીજી દમયંતી બહેન મોદી શનિવારે સવારે અમૃતસરથી દિલ્હી પરત ફર્યા હતા. તેમનો રૂમ સિવિલ લાયન્સ સ્થિત ગુજરાતી સમાજ ભવનમાં બુક હતો. તેઓ જુની દિલ્હીથી ઓટો દ્વારા પરિવાર સાથે ગુજરાતી ભવન પહોંચ્યા હતા. દરવાજા પર ઉતરતા જ સ્કુટીમાં સવાર 2 બદમાશોએ તેમનું પર્સ છીનવીને ફરાર થઇ ગયા હતા. 

પર્સમાં 56 હજાર રોકડ અને અન્ય અમાનત પણ હતી 

નોંધનીય છે કે, પર્સમાં આશરે 56 હજાર રૂપિયા હતા. 2 મોબાઇલ તથા અગત્યના દસ્તાવેજો હતા, સાંજે તેમને અમદાવાની ફ્લાઇટ પકડવાની હતી. ડીસીપી નોર્થ મોનિકા ભારદ્વાજે જણાવ્યું કે, પોલીસે FRI નોંધીને પર્સ ચોરી કરનારની શોધખોળ હાથ ધરી હતી.