દિલ્હીમાં શુક્રવારે રોહિણી કોર્ટ પરિસરમાં ભર બપોરે હુમલાવરોએ ધડાધડ ફાયરિંગ કરી અને બે વર્ષ પહેલા પકડાયેલા ગેંગસ્ટરને પતાવી માર્યો છે.
દિલ્હીની રોહિણી કોર્ટમાં ગેંગવોર
હુમલાખોરોએ ગેંગસ્ટર ગોગીને મારી નાંખ્યો
શૂટઆઉટમાં ત્રણ લોકોના મોત
રાજધાની દિલ્હીમાં ગેંગવૉરની ઘટના સામે આવી રહી છે, આજે બપોરે મોસ્ટ વોન્ટેડ ગેંગસ્ટર જિતેન્દ્ર ઉર્ફે ગોગીની ગોળી મારીને હત્યા કરવામાં આવી છે. કોર્ટ પરિસરમાં શૂટઆઉટ થયો અને તે બાદ હુમલો કરનારાઓને ઠાર મારવામાં આવ્યા હતા. આ શૂટઆઉટમાં અત્યાર સુધીમાં ચાર લોકોનાં મોતનાં સમાચાર સામે આવી રહ્યા છે અને બધા જ મૃતકો હુમલાખોરો હોવાનું જાણવા મળ્યું છે.
#UPDATE | Two attackers who were in lawyers' attire have been shot dead at Rohini court, says Delhi Police Special Cell
દિલ્હી પોલીસ અનુસાર બે હુમલાખોરો વકીલ બનીને કોર્ટ પરિસરમાં આવ્યા હતા અને તે બાદ ગેંગસ્ટર જિતેન્દ્ર પર ગોળી ચલાવી હતી. નોંધનીય છે કે પોલીસ જિતેન્દ્રને કોર્ટ રૂમ લઈને આવી હતી.
મીડિયા અહેવાલ અનુસાર આ શૂટઆઉટ અને ગોગીની હત્યા પાછળ ટિલલુ ગેંગનો હાથ હોય શકે છે. જે હુમલાખોરોને ઠાર કરવામાં આવ્યા છે તેમાંથી બંને ગુંડા જ હોવાનું જાણવા મળ્યું છે, એકની ઉપર તો પચાસ હજારનું ઈનામ પણ જાહેર કરવામાં આવ્યું હતું.
નોંધનીય છે કે બે વર્ષ પહેલા જિતેન્દ્ર એટલે કે ગોગીની ધરપકડ કરવામાં આવી હતી અને આજે ગોગીનાં દુશ્મનોએ તેના પર હુમલો કરી તેને મારી નાંખ્યો છે.