દિલ્હીનાં શાહીન બાગ વિસ્તારમાં ફાયરિંગની ઘટના સામે આવી છે. ઘટના બાદ પોલીસે ગોળી ચલાવનાર વ્યક્તિની ધરપકડ કરી લીધી છે. કોણ છે આ વ્યક્તિ કેમ તેણે ફાયરિંગ કર્યું આ અંગે પોલીસ તપાસ હાથ ધરી છે. દિલ્હીમાં 48 કલાકમાં આ બીજી ફાયરિંગની ઘટના સામે આવી છે.
દિલ્હીમાં 48 કલાકમાં બીજી વાર ફાયરિંગ
પોલીસે ફાયરિંગ કરનારને ઝડપી પાડ્યો
પોલીસે ફુટેલી બુલેટ પણ જપ્ત કરી લીધી છે
કોણ છે ફાયરિંગ કરનાર
શાહીન બાગમાં થઈ રહેલું પ્રદર્શન રાજકીય મુદ્દો તો બની જ ગયો છે હવે તે કેટલાક લોકો તેમના ગુસ્સાનું કેન્દ્ર પણ બની ગયું હોય એવું લાગે છે. પહેલા જામિયાનાં પ્રદર્શન કારીઓ અને હવે શાહીન બાગમાં ફાયરિંગ થયું છે. દિલ્હી પોલીસ બેરિકેડની પાસે ફાયરિંગ થઈ છે. આરોપી એ જય શ્રીરામના નારા સાથે ફાયરિંગ કર્યું હતું. પોલીસ બેરિકેડની પાસે ફાયરિંગ કરનારનું નામ કપિલ ગુર્જર છે અને તે પૂર્વ દિલ્હીનાં દલ્લૂપુરા ગામમાં રહેનારો છે.
પોલીસે ફાયરિંગ કરનારને ઝડપી પાડ્યો છે
દિલ્હીના શાહીન બાગ વિસ્તારમાં ફાયરિંગની ઘટના સામે આવી છે. ઘટના પછી પોલીસે ગોળી ચલાવનાર વ્યક્તિની ધરપકડ કરી તેને કસ્ટડીમાં લીધો છે. તેમજ ફાયર થયેલી ફુટેલી કારતુસ પણ મળી આવી છે. શાહીન બાગના પોલીસ સ્ટેશનમાં લઈ જઈને તેની પુછપરછ કરવામાં આવી રહી છે. દિલ્હી પોલીસના ડીસીપી ચિન્મય બિસ્વાલે જણાવ્યું હતું કે આ વ્યક્તિએ હવામાં ફાયરિંગ કર્યુ હતું. ઉલ્લેખનીય છે કે, જોકે હજું સુધી એ જાણી શકાયું નથી કે ફાયરિંગ પ્રદર્શન વાળી જગ્યાએ થયું છે કે બીજે ક્યાં. ફાયરિંગ કરનાર વિશે જાણવાનો પ્રયાસ પોલીસ દ્વારા કરવામાં આવી રહ્યો છે. ઉલ્લેખનીય છે કે જ્યાં સંશોધન નાગરિકતા કાયદા (CAA)અને NRCને લઈને લોકો એક મહિનાથી વધારે સમયથી ધરણા પર બેઠા છે.
Delhi DCP Chinmay Biswal on incident of firing in Shaheen Bagh: The man had resorted to aerial firing. Police immediately overpowered and caught him. (file pic) https://t.co/6sDVLyMLUSpic.twitter.com/0I6QwpgF0x
થોડા સમય પહેલા જામિયાનાં પ્રદર્શનમાં સગીરે ફાયરિંગ કર્યુ હતું
હાલમાં જ સીએએની વિરુદ્ધમાં જામિયાનાં વિદ્યાર્થીઓ દ્વારા એક વિરોધ પ્રદર્શન કરવામાં આવ્યું હતું આ દરમિયાન એક સગીર યુવકે જાહેરમાં પોલીસની હાજરીમાં ફાયરિંગ કર્યું હતું. આ યુવકે ફાયરિગ કરતા પહેલાં ફેસબુક પર પોસ્ટ મુકી હતી. જેને પગલે પોલીસે તેને ઘટના સ્થળેથી જ પકડી પાડ્યો હતો. ઉલ્લેખનીય છે કે આ ઘટનામાં એક શાદાબ નામનો વિદ્યાર્થી ઘાયલ થયો હતો.