1 સપ્ટેમ્બરથી મોટર વ્હીકલ એક્ટના નવા નિયમ લાગૂ થયા બાદ ટ્રાફિક નિયમોનું ઉલ્લંઘન કરનાર લોકો પર ભારે દંડ વસૂલાત કરવામાં આવી રહ્યો છે. ત્યારે દિલ્હીના રસ્તા પર ટ્રાફિક પોલીસના રોકવા પર યુવતી આપઘાત કરવાની ધમકી આપતી જોવા મળી રહી છે.
ટ્રાફિક નિયમોનું ઉલ્લંઘન કરનાર લોકો પર ભારે દંડ વસૂલાત કરવામાં આવી રહ્યો છે
એક સ્કૂટી સવાર યુવતીને ટ્રાફિક પોલીસે પકડી તો આપઘાત કરવાની ધમકી આપી
યુવતી થોડા સમય બાદ રડવા લાગી અને હેલમેટ પણ ફેંકી દીધું
મોટર વ્હીકલ એક્ટ લાગૂ થવાથી ઘણી વધેલી દંડની રકમને લઇને દિલ્હીના લોકોમાં ડર છે. લોકો દંડની રકમથી બચવા માટે અલગ અલગ પગલું ભરી રહ્યા છે. થોડાક દિવસ પહેલા એક શખ્સે એના બાઇકમાં આગ લગાવી દીધી હતી, તો બીજી બાજુ કાશ્મીરી ગેટ આઇએસબીટીની પાસે ટ્રાફિક નિયમોનું ઉલ્લંઘન કરવા પર સ્કૂટી સવાર યુવતીને રોકવામાં આવે તો એને ટ્રાફિક પોલીસકર્મીઓને ફાંસી લગાવીને આપઘાત કરવાની ધમજી આપી દીધી. યુવતીએ પોતાનું હેલમેટ રસ્તા પર ફેંકી દીધું. આ મામલે વીડિયો સોશ્યલ મીડિયા પર વાયરલ થઇ રહ્યો છે.
દિલ્હી ટ્રાફિક પોલીસની સેન્ટ્રલ રેન્જના પોલીસ અધિકારીઓ અનુસાર, કાશ્મીરી ગેટ આઇએસબીટી બસ સ્ટોપની પાસે સફેદ રંગનું સ્કૂટી સવારને રોકવામાં આવી હતી. સ્કૂટીની નંબર પ્લેટ તૂટી હતી, જેની પર એક અંક નહતો. યુવતીના હેલમેટમાં પણ બેલ્ટ નહતો. આ ઉપરાંત એ સ્કૂટી ચલાવતા ફોન પર વાત કરી રહી હતી.
ટ્રાફિક પોલીસે જ્યારે યુવતીને રોકી તો એ પોલીસકર્મીઓ સાથે વિવાદ કરવા લાગી. યુવતી એવા પ્રયત્નમાં હતી કે એ ત્યાંથી નિકળી જાય. યુવતીએ સ્કૂટીમાં ચાવી લગાવીને ત્યાંથી નિકળવાનો પ્રયત્ન કર્યો. ટ્રાફિક પોલીસકર્મીઓએ ચાવી લઇ લીઘી. વિવાદ દરમિયાન યુવતી ગુસ્સે ભરાઇ અને પોતાનું હેલમેટ જમની પર ફેંકી દીધું.
યુવતી દલીલ કરતી રહી કે એની સ્કૂટીની નંબર પ્લેટ એક દિવસ પહેલા જ કોઇએ તોડી નાંખી, એ ઇયરફોન ભરાઇને વાત નહતી કરી રહી પરંતુ ગીત સાંભળી રહી હતી. ત્યારબાદ યુવતી રોવા લાગી.
જો કે ત્યારબાદ ટ્રાફિક પોલીસે આગળ આવું ના કરવાની સલાહ આપીને એને છોડી દીધી હતી. યુવતીનો આશરે 15 મીનિટનો વીડિયો ટ્રાફિક પોલીસકર્મીઓના કેમેરામાં કેદ થઇ ગયો, જે હવે સોશ્યલ મીડિયા પર વાયરલ થઇ રહ્યા છે.