દિલ્હીના સંગમ વિહાર વિસ્તારમાં 11માં ધોરણમાં ભણતી 16 વર્ષની કિશોરીને રસ્તા વચ્ચે આવેલા વિસ્તારમાં બે છોકરાઓએ જાહેરમાં ગોળી મારી દીધી
ઝારખંડની દુમકા જેવી ઘટના દિલ્હીમાં બની
16 વર્ષની કિશોરીને રસ્તા વચ્ચે ગોળી મારી
હિંદુ છોકરાના નામે ID બનાવી મિત્રતા કેળવી હતી
ઝારખંડની દુમકા ઘટના જેવી ચોંકાવનારી ઘટના દિલ્હીના સંગમ વિહાર વિસ્તારમાંથી પણ સામે આવી છે. 25 ઓગસ્ટના રોજ 11માં ધોરણમાં ભણતી 16 વર્ષની કિશોરીને રસ્તા વચ્ચે આવેલા વિસ્તારમાં બે છોકરાઓએ જાહેરમાં ગોળી મારી દીધી હતી. યુવતીના પિતાએ આરોપ લગાવ્યો હતો કે મુખ્ય આરોપી તેના ઘરથી 100 મીટર દૂર રહેતો હતો અને છેલ્લા ઘણા દિવસોથી તેની પુત્રીનો પીછો કરી રહ્યો હતો. પીડિતાના પિતાનો આરોપ છે કે મુખ્ય આરોપીએ અગાઉ સોશિયલ મીડિયા પર હિન્દુ છોકરાના નામે આઈડી બનાવી હતી અને દીકરી સાથે મિત્રતા પણ કરી હતી, પરંતુ જ્યારે દીકરીને મુખ્ય આરોપીનું સાચું નામ ખબર પડી તો તેણે તેની સાથે મિત્રતા તોડી નાખી. પરંતુ આ પછી પણ આરોપીએ યુવતીનો પીછો કરવાનું બંધ ન કર્યું.
આરોપીની ધરપકડ
આ કેસમાં બોબી અને પવન નામના આરોપીઓની ધરપકડ થઈ ચૂકી છે અને દિલ્હીના ત્રિલોકપુરીથી એકતરફી પ્રેમમાં પાગલ મુખ્ય આરોપી અમાનત અલીની પણ પોલીસે ધરપકડ કરી છે. અમાનત અલીના કહેવાથી જ તેના મિત્રોએ યુવતીને ગોળી મારી દીધી હતી. યુવતીના ખભામાં ગોળી વાગી હતી. હાલ પીડિતાને હોસ્પિટલમાંથી રજા આપીને ઘરે આવી ગઇ છે.
એક મહિના અગાઉ ફરિયાદ નોંધાવી હતી
પિતાએ આરોપ લગાવ્યો હતો કે લગભગ એક મહિના પહેલા આરોપી અને તેના મિત્રોએ પીડિતાના ઘરની બારીનો કાચ પથ્થર મારીને તોડી નાખ્યો હતો. આ વિસ્તારના બીટ હવાલદારને ફરિયાદ કરવામાં આવી હતી. પરંતુ પોલીસ દ્વારા કોઈ કાર્યવાહી કરવામાં આવી ન હતી અને આ બેદરકારીનું પરિણામ એ છે કે એક મહિના પછી આરોપીએ તેની પુત્રીને ગોળી મારી દીધી હતી.
#UPDATE | Delhi Police arrested stalker Amanat Ali who attempted to kill a teenager girl by firing bullets at her in South Delhi's Sangam Vihar on 25 Aug
ઘરની બાજુમાં જ બન્યો બનાવ
પિતાએ જણાવ્યુંકે ગુરુવારે તેમની 16 વર્ષની દીકરી, ધોરણ 11ની વિદ્યાર્થિની પોતાની માતા અને નાના ભાઈ સાથે કેમ્બ્રિજ ઈન્ટરનેશનલ સ્કૂલથી પરત ફરી રહી હતી ત્યારે મુખ્ય આરોપીના બે મિત્રોએ ઘરથી માત્ર 150 મીટર દૂર પાછળથી તેમની દીકરીને ખભે ગોળી મારી દીધી હતી, ત્યારબાદ બાળકી લોહીલુહાણ હાલતમાં નીચે પડી હતી. તેને તાત્કાલિક નજીકની બત્રા હોસ્પિટલમાં લઈ જવામાં આવી. જ્યાંથી તેને રજા આપવામાં આવી છે. પીડિતા હાલ ખતરાથી બહાર છે.
નેતાઓ માત્ર સાંત્વના આપે છે
હવે પરિવારની માંગ છે કે આ કેસ લવ જેહાદનો છે કે નહીં, પરંતુ તેમની દીકરીને ન્યાય મળવો જોઈએ જેના તે હકદાર છે. પિતાએ માંગણી કરી છે કે, આ ઘટના બાદથી તેના ઘરે રોજ કોઇને કોઇ નેતા આવતા રહે છે, પરંતુ તેની માંગણી છે કે, આરોપીને કડકમાં કડક સજા થવી જોઇએ.