દિલ્હીમાં વિધાનસભા ચૂંટણીની આગલી રાતે એક એક મહિલા સબ ઈન્સ્પેક્ટરની ગોળી મારી હત્યા કરવામાં આવી હતી. એ ઓરીપ પીએસઆઈ દિપાંશુએ પણ આપઘાત કરી લીધો હતો. કરનાલની પાસે ગાડીમાં દિપાંશુની લાશ મળી હતી. તેમની વચ્ચે એવું તો શું બન્યું હતું કે આજે બન્નેને પોતાનો જીવ ગુમાવવો પડ્યો હતો. જાણો સમગ્ર ઘટના શું હતી.
રોહિણી વિસ્તારામાં મહિલા સબ ઈન્સપેક્ટરની હત્યા કરવામાં આવી છે
આરોપી પીએસઆઈએ પણ બેચમેટની હત્યા કર્યા
દિલ્હીની આ ઘટનાએ ચકચાર મચાવી છે
એજ પિસ્તલથી આત્મહત્યા કરી જેનાથી પ્રીતિની હત્યા કરી હતી
દિલ્હીના રોહિણી વિસ્તારમાં મહિલા સબ ઈન્સપેક્ટરની શુક્રવારે રાતે હત્યા કરવામાં આવી છે. આ હત્યાનો આરોપ પીએસઆઈ દિપાંશુ પર હતો. જેણે આત્મહત્યા કરી લીધી છે. કરનાલની પાસે એક ગાડીમાં દિપાંશુની લાશ મળી છે. આરોપીએ એજ પિસ્તોલથી આત્મહત્યા કરી લીધી છે. જે પિસ્તોલથી તેણે મહિલા પીએસઆઈને ગાળી મારી હત્યા કરી હતી.
બન્ને બેચમેટ હતા
પોલીસના જણાવ્યાનું સાર મહિલા સબ ઈન્સપેક્ટર પ્રીતિ અહલાવત અને દિપાંશુએ 2018માં દિલ્હી પોલીસમાં જોડાયા હતા. બન્ને બેચમેટ હતા. હજું પોલીસ તપાસ કરી રહી છે કે શું કારણથી દિપાંશુએ પ્રીતિની હત્યા કરી હતી.
પ્રીતિ ચાલતા ઘરે જઈ રહી હતી
ઉલ્લેખનીય છે કે દિલ્હીના રોહિણી વિસ્તારમાં શુક્રવારે રાતે લગભગ 9.30 વાગે પ્રીતિ અહલાવતની એક વ્યક્તિએ ગોળી મારી હત્યા કરી દીધી હતી. પ્રીતિ પૂર્વ દિલ્હીના પટપડગંજ ઈન્ડસ્ટ્રીયલ વિસ્તારમાં ફરજ બજાવી રહી હતી. રાતે તે ફરજ પુરી કરીને મેટ્રોથી પૂર્વ રોહિણી મેટ્રો સ્ટેશન પહોંચી હતી અને ચાલતા ઘરે જઈ રહી હતી.
3 રાઉન્ડ ફાયરિંગ કરી પ્રીતિની હત્યા કરાઈ
જ્યારે પ્રીતિ મેટ્રો સ્ટેશનથી લગભગ 50 મીટર જ આગળ ચાલી હતી. ત્યારે જ પાછળથી એક યુવકે પ્રીતિ પર ગોળી ચલાવી દીધી હતી. 3 રાઉન્ડ ફાયરિંગ કર્યું હતું જો કે 2 ગોળી પ્રીતિને વાગી હતી. જ્યારે એક ગોળી પ્રીતિની બાજુમાંથી પસાર થઈ રહેલી કારના પાછળનાં કાચ પર વાગી હતી. પ્રીતિને એક ગોળી માથે વાગી હતી. જેના કારણે પ્રીતિ ત્યાં જ જમીન પર પછડાયી હતી અને તેનું ઘટના સ્થળે જ મોત નિપજ્યું હતુ.
પ્રેમ પ્રકરણ કે પૈસાનો હતો ઝઘડો
હુમલો કરનાર ત્યાંથી ભાગી ગયો હતો. સ્થાનીકો દ્વારા પોલીસને જાણ કરતા પોલીસ ઘટના સ્થળે પહોંચી તપાસ હાથ ધરી હતી. જ્યાં પ્રીતિની હત્યા કરવામાં આવી તે જગ્યા તેની ઘરની નજીક હતી. પોલીસને સીસીટીવી મળ્યાં છે. જેનાથી એ નક્કી થઈ ગયું છે કે આરોપી એકલો હતો અને ચાલતા આવ્યો હતો. પોલીસ આરોપી પાસે પહોંચે તે પહેલા આરોપીએ આત્મહત્યા કરી લીધી છે. ત્યારે પોલીસ બન્ને વચ્ચે પ્રેમ પ્રકરણ હતું કે પૈસાનો ઝઘડો હતો એ દિશામાં તપાસ કરી રહી છે.