દિલ્હીમાં 26 જાન્યુઆરીએ લાલ કિલ્લા પર હિંસાના મુખ્ય આરોપીમાંના એક મનિંદર સિંહ ઉર્ફે મોનીની ધરપકડ કરવામાં આવી છે.
6 બાઈક પર સવાર ખેડૂત ટ્રેક્ટર રેલીની સાથે નિકળ્યા
ટીમે મનિંદર સિંહ ઉર્ફે મોનીની પીતમપુરાથી ધરપકડ કરી છે
મનિંદર સિંહે 2 તલવારો લાલ કિલ્લા પર ફરકારી હતી
ટીમે મનિંદર સિંહ ઉર્ફે મોનીની પીતમપુરાથી ધરપકડ કરી છે
એસીપી ઉત્તર સિંહના સુપરવિઝનમાં બનાવવામાં આવેલી પોલીસ ટીમે મનિંદર સિંહ ઉર્ફે મોનીની પીતમપુરાથી ધરપકડ કરી છે. તેની ધરપકડ મંગળવારે સાંજે 7.45 વાગે થઈ. તે કાર એસી મિકેનિકનું કામ કરે છે. આ સાથે સ્વરુપ નગરથી તેમની 4.3 ફીટની 2 તલવાર પણ જપ્ત કરવામાં આવી છે.
મનિંદર સિંહે 2 તલવારો લાલ કિલ્લા પર ફરકારી હતી
દિલ્હી પોલીસના જણાવ્યાનુંસાર લાલ કિલ્લા પર થયેલી હિંસાની અનેક તસવીરો સામે આવી હતી. જેનાથી મનિંદર સિંહે 2 તલવારોને ફરકારી હતી અને પોલીસકર્મીઓ પર બર્બરતાથી હુમલો કરવા લોકોને ઉશ્કેર્યા હતા. મનિંદરે અનેક ઉશ્કેરણીજનક ફેસબુક પોસ્ટ પણ કરી હતી. તે મોટા ભાગે દિલ્હીના સિંધૂ બોર્ડર જતો રહેતો હતો.
6 બાઈક પર સવાર ખેડૂત ટ્રેક્ટર રેલીની સાથે નિકળ્યા
દિલ્હી પોલીસના જણાવ્યાનુંસાર તેણે સ્વરુપ નગરના 6 લોકોને દિલ્હી ટ્રેક્ટર પરેડમાં ભાગ લેવા ઉશ્કેર્યા હતા. આ તમામ 6 બાઈક પર સવાર થઈ સિંઘૂ સીમાથી મુકરબા ચોકી તરફ જનારા ખેડૂત ટ્રેક્ટર રેલીની સાથે નિકળ્યા હતા. ટ્રેક્ટર રેલીમાં સામેલ થતા પહેલા મનિંદરે પોતાના હાથમાં 2 તલવારો સાથે રાખી હતી.
આ તલવારબાજીથી ઉપદ્રવીઓને હિંમત મળી
પોલીસના જણાવ્યાનુંસાર આરોપીએ પોતાના 5 સાથીઓ અને અન્ય અજાણ્યા સશસ્ત્ર અસામાજિક તત્વોની સાથે લાલ કિલ્લામાં ઘૂસ્યા અને મનિંદરે તલવારબાજી કરી. આ તલવારબાજીથી ઉપદ્રવીઓને હિંમત મળી અને તે ફરજ પર હાજર પોલીસકર્મીઓ પર હુમલો કરવા લાગ્યા. આ દરમિયાન લાલ કિલ્લાને નુકસાન પહોંચ્યુ હતુ.
આરોપીની પૂછપરછ ચાલુ છે
મનાઈ રહ્યું છે કે મનિંદર સિંહ સ્વરુપ નગરમાં પોતાના ઘરની પાસેએક ખાલી પ્લોટમાં તલવાર પ્રશિક્ષણ સ્કૂલ પણ ચલાવે છે. 26 જાન્યુઆરીએ લાલ કિલ્લા પર તલવારબાજીનો એક મોટો વીડિયો તેણે પોતાના ફોનમાં લીધો હતો. સાથે સિંધૂ બોર્ડરના વિરોધ સ્થળ પર તેની હાજરીની અનેક તસ્વીરો તેના ફોનમાં છે. આરોપીની પૂછપરછ ચાલુ છે.