IPLIN
 
  • Home
  • India
  • delhi recorded highest temperature in palam at 48 degrees gujarat churu temperature

મોસમ બેઈમાન / અહીં વાવાઝોડાં-વરસાદની આગાહી, તો બીજી બાજુ 50 ડિગ્રી ધમધોખતી ગરમી

Team VTV 09:31 PM, 10 Jun 19 | Updated: 09:41 PM, 10 Jun 19
Follow us
delhi recorded highest temperature in palam at 48 degrees gujarat churu temperature

દેશની રાજધાનીના ઇતિહાસમાં સોમવારે પ્રથમ વખત 48 ડિગ્રી તાપમાન રહ્યું હતું. પાલમ વિસ્તારમાં તાપમાન 48 ડિગ્રી નોંધાયું હતું. આ ઘટના પ્રથમ વખત બનવા પામી હતી. જ્યારે જૂન મહિનામાં ગરમીએ રાજધાની પર કહેર વરસાવ્યો હતો. ઉલ્લેખનીય છે કે, રવિવારે રાજધાની દિલ્હીનું તાપમાન 47.8 ડિગ્રી નોંધવામાં આવ્યું હતું. દિલ્હીના સફદરગંજમાં તાપમાન 45.6 ડિગ્રી પહોંચ્યું હતું.

દિલ્હીમાં 48 ડિગ્રી તાપમાન
એક તરફ દેશમાં ભયંકર ગરમીનો માહોલ જામ્યો છે તો વળી કેટલાક રાજ્યોમાં પાણીની પણ અછત સર્જાઇ છે. જળાશયો સુકાઇ જવાને કારણે પાણી માટે લોકોએ કેટલાક કિલોમીટર સુધીની પદયાત્રા કરવી પડે છે. આ પહેલા પાલમ આંકડામાં ગર્મીએ આ આંકડો 9 જૂન 2014ના રોજ નોંધાયો હતો. આ દિવસોમાં દિલ્હીનું તાપમાન 47.8 ડિગ્રી રહેવા પામ્યું હતું. 

રાજસ્થાનના ચુરુમાં તાપમાન 50 ડિગ્રીને પાર
હવામાન વિભાગના જણાવ્યા મુજબ, આગામી 2 દિવસોમાં રાજધાની દિલ્હીના તાપમાનમાં ઘટાડો નોંધાવાની સંભાવાની શક્યતા છે. હવામાન વિભાગે અનુમાન લગાવ્યું હતું કે, દિલ્હીમાં સોમવારે તાપમાન 45થી વધુ રહેશે. 

દિલ્હી સિવાય ઉત્તર ભારતના રાજ્યોમાં રાજસ્થાનમાં તાપમાનનો પારો 45 ડિગ્રીની આસપાસ રહી શકે છે,  તો આ સાથે જ રાજસ્થાનના ચરુ પ્રદેશમાં આજરોજ ગરમીનો પારો 50 ડિગ્રીને પાર કર્યો હતો. આપને જણાવી દઇએ કે, ચુરુ પ્રદેશમાં સમગ્ર ભારતની સૌથી વધુ ગરમી નોંધાઇ છે. જ્યાં થોડા સમયગાળા પહેલા 48 ડિગ્રી તાપમાન રહેવા પામ્યું હતું. ત્યારે આજરોજ ગરમીનો પારો 50 ડિગ્રીને પાર કરી ગયો હતો. આ સાથે  જ મધ્યપ્રદેશ, હરિયાણા, ચંડીગઢ અને દિલ્હીમાં તાપમાન 45 આસપાસ રહેવાની શક્યતા હવામાન વિભાગે વ્યક્ત કરી હતી. 

ગુજરાતમાં વાવાઝોડાની આગાહી
આપને જણાવી દઇએ કે, અરબી સમુદ્રમાં ઉઠેલા વાવાઝોડાના કરણે વાતાવરણમાં પલટો આવ્યો છે. જેને લઇ માછીમારોને દરિયો ન ખેડવા સૂચના અપાઇ છે. ત્યારે ગુજરાતમાં ઠેર ઠેર દરિયાકિનારાઓ પર સાવચેતીનું સિગ્નલ આપવામાં આવ્યું છે. સમુદ્રમાં હવાના દબાણને પગલે પોરબંદર પોર્ટ પર એક નંબરનું સિગ્નલ લગાવવામાં આવ્યું છે. જ્યારે અમરેલીના જાફરાબાદ બંદર પર ફિશરીઝ વિભાગ દ્વારા એક નંબરનું સિગ્નલ લગાવવામાં છે. 

ગુજરાતમાં વાવાઝોડુ ત્રાટકવાના સંકટને લઇને રાજ્ય સરકાર થઇ અલર્ટ, તમામ બંદરો પર એક નંબરનું સિગ્નલ

હવામાન વિભાગે સમુદ્રમાં પવન સાથે વાવાઝોડું આવે તેવી આગાહી કરી છે. ઉપરાંત માછીમારોને દરિયો ન ખેડવા પણ સૂચના આપવામાં આવી છે. તો મોરબીના નવલખી બંદર પર પણ એક નંબરનુ સિગ્નલ લગાવવામાં આવ્યું છે. તો ગીર સોમનાથના જિલ્લા તંત્રને પણ અલર્ટ કરવામાં આવ્યુ છે. અને વેરાવળ બંદર પર પણ નંબર-1નું સિગ્નલ આપવામાં આવ્યુ છે.
 

delhi highest temperature palam gujarat churu Rajsathan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ