દિલ્હીની રાજેન્દ્રનગર સીટ પર થયેલી પેટાચૂંટણીમાં આમ આદમી પાર્ટીને મોટી જીત મળી છે. રાઘવ ચઢ્ઢા રાજ્યસભામાં જતાં આ સીટ પર ખાલી પડી હતી.
દિલ્હીની રાજેન્દ્રનગર સીટ પર આપની જીત
આપના ઉમેદવારે જીત મેળવી
ભાજપ અને કોંગ્રેસની ભૂંડી હાર
દિલ્હીની રાજેન્દ્રનગર સીટ પર થયેલી પેટાચૂંટણીમાં આમ આદમી પાર્ટીને મોટી જીત મળી છે. રાઘવ ચઢ્ઢા રાજ્યસભામાં જતાં આ સીટ પર ખાલી પડી હતી, જ્યાં આપના દુર્ગેશ પાઠકે ભાજપના ઉમેદવાર રાજેશ ભાટીયાને લગભગ 11500 વોટથી હરાવ્યા હતા. દુર્ગેશ પાઠકને કુલ 40010 વોટ મળ્યા હતા, ભાજપના રાજેશ ભાટિયાને 28577 વોટથી સંતોષ માનવો પડ્યો હતો. કોંગ્રેસ ઉમેદવાર પ્રેમ લતાને ફક્ત 1990 વોટ જ મળ્યા હતા.
16 રાઉન્ડની ગણતરીમાં ભાજપ ક્યાંય પણ ટક્કરમાં દેખાતી નહોતી. પહેલાથી અંતિમ રાઉન્ડ સુધી રાજેશ ભાટિયા પાછળ જ રહ્યા હતા. એક વાર તેમણે અંતર ઓછુ કર્યું હતું તો ભાજપને થોડી રાહત દેખાઈ હતી. પણ અંતે જ સીટ ખોવાનો જ વારો આવ્યો.
કોંગ્રેસ ઉમેદવારની ડિપોઝીટ પર ડૂબી ગઈ
દિલ્હી પેટાચૂંટણીના પરિણામોએ કોંગ્રેસ પાર્ટી માટે ચિંતા વધારી છે. કેજરીવાલની એન્ટ્રી પહેલા સતત 15 વર્ષ સુધી દિલ્હીની સત્તા પર રહેલી કોંગ્રેસ પાર્ટી હાલમાં ક્યાંય દેખાતી નથી. ભલે ભાજપની ભૂંડી હાર થઈ હોય, પણ કોંગ્રેસના તો સુપડા સાફ થઈ ગયા છે.