BIG NEWS / દેશમાં ખળભળાટ : દિલ્હીમાં 2 પાકિસ્તાની સહિત કુલ 6 આતંકવાદીઓની ધરપકડ, મળી ચોંકાવનારી સામગ્રી

• મોટા આતંકી કાવતરાનો પર્દાફાશ
• દિલ્હીમાંથી 6 આતંકવાદીઓને પોલીસે દબોચી લીધા
• 2 પાકિસ્તાની હોવાનો થયો ખુલાસો

મળતી જાણકારી પ્રમાણે, દિલ્હી પોલીસના સ્પેશિયલ સેલ દ્વારા આ ઓપરેશન સફળતા પૂર્વક પાર પાડવામાં આવ્યું હતું. જેમાં આતંકી પ્રવૃત્તિ સાથે સંકળાયેલા કેટલાક લોકોને દબોચી લીધા હતા.

Delhi Police Special Cell busts Pak organised terror module, arrests two Pak-trained terrorists; Explosives and firearms recovered in a multi-state operation: DCP Special Cell Pramod Kushwaha pic.twitter.com/17QANvAyYX

— ANI (@ANI) September 14, 2021

સ્પેશિયલ સેલના ડીસીપી પ્રમોદ કુશવાહાએ કે પાકિસ્તાનમાંથી ટ્રેનિંગ લઈને આવેલા 2 સહિત કુલ 6 લોકોની ધરપકડ કરાઈ છે. તહેવારો પહેલા દિલ્હીમાંથી વિસ્ફોટક પદાર્થ સાથે આતંકીઓની ધરપકડથી સમગ્ર દેશમાં ખળભળાટ મચી ગયો છે. 

મોટા ષડયંત્રનો થયો પર્દાફાશ

પોલીસના જણાવ્યા અનુસાર આતંકવાદી મૉડ્યુલનો મોટો પર્દાફાશ થયો છે. કારણ કે આ પકડાયેલા લોકો પાસેથી ભારે માત્રામાં વિસ્ફોટક પદાર્થ પણ મળી આવ્યો છે.પોલીસ સૂત્રોના જણાવ્યા અનુસાર, આ તમામ આતંકવાદીઓ દેશના વિવિધ શહેરોમાં મોટા ષડયંત્રની યોજના બનાવી રહ્યા હતા અને આવનારા સમયમાં ગભરાટ ફેલાવવા માટે એક મોટો પ્લાન તૈયાર હતો. આ વાતનો ખુલાસો કરતા સ્પેશિયલ સેલ અને યુપી એટીએસે તમામને પકડી પાડ્યા હતા. આ સાથે, આ લોકો દેશના ઘણા મોટા અને પ્રખ્યાત લોકોને પણ નિશાન બનાવવાના હતા.

ISI નો હાથ હોવાનું આવ્યું સામે 

કહેવામાં આવી રહ્યું છે કે જે બે પાકિસ્તાન પ્રશિક્ષિત આતંકવાદીઓની ધરપકડ કરવામાં આવી છે તેઓ સીધા જ પાકિસ્તાનની ગુપ્તચર એજન્સી આઈએસઆઈ સાથે સંબંધિત છે. તે જ સમયે, તેને અંડરવર્લ્ડનો ટેકો પણ મળી રહ્યો હતો. ISI એ તેમને સંપૂર્ણ આયોજન સાથે અહીં મોકલ્યા હતા અને ઘણા શહેરોમાં ગભરાટ ફેલાવવા માટે એક મોટો પ્લાન તૈયાર કરવામાં આવ્યો હતો. જેના માટે તેણે હથિયારો અને વિસ્ફોટકોનો મોટો જથ્થો પણ જમા કરાવ્યો હતો.