ખાલિસ્તાની આતંકીઓ પર લગામ લગાવામાં સુરક્ષા એજન્સીઓને મોટી સફળતા મળી છે. પંજાબના મોસ્ટ વોન્ટેડ ગેંગસ્ટર અને ખાલિસ્તાની આતંકી સુખ બિકરીવાલને ભારત લાવવામાં આવ્યો છે. ગુરુવારના રોજ તેને તેને દુબઇથી ડિપોર્ટ કરવામાં આવ્યો છે.
સુખ બિકરીવાલ પાકિસ્તાની ગુપ્ત એજન્સીઓએ ISIના ઇશારા પર પંજાબમાં ટારગેટ કિલિંગ કરવાતો હતો. પંજાબમાં શૌર્ય ચક્ર વિજેતા બલવિંદર સંધુની હત્યા કરવામાં પણ સુખ બિકરીવાલનો હાથ હતો. તે સિવાય પંજાબના નાભામાં જે જેલ તોડવાની ઘટના થઇ હતી, તેમાં પણ સુખ બિકરીવાલ સામેલ હતો.
હવે જ્યારે સુખ બિકરીવાલ ભારતીય ગુપ્તચર એજન્સીઓના હાથમાં આવી ગયો છે, ત્યારે તેની પૂછપરછ કરવામાં આવશે. આ સાથે જ પંજાબમાં ખાલિસ્તાની લિંક સહિત અન્ય ટારગેટ કિલિંગ સાથે જોડાયેલ મામલે મોટો ખુલાસો થઇ શકે છે.
Delhi Police Special Cell arrests gangster Sukh Bikriwal at the Delhi airport following his deportation from Dubai pic.twitter.com/KpRqmVT9r6
ઉલ્લેખનીય છે કે થોડા સમય પહેલા જ પંજાબમાં થનારી ટારગેટ કિલિંગને લઇને ગુપ્ત એજન્સીઓએ તપાસ પુરી કરી હતી, જેમાં ISI અને ખાલિસ્તાની આતંકીઓના ગઠબંધનની વાત સામે આવી હતી.
ISIના ઇશાર પર સુખ બિકરીવાલે પંજાબમાં શિવસેના નેતા હની મહાજન પર પોતાના શૂટરોથી ફાયરિંગ કરાવ્યું હતું, જેમા હની મહાજનને 4 ગોળી વાગી, જ્યારે પાડોશીનું મૃત્યું થઇ ગયું હતું. તે સિવાય બલવિંદર સંધૂની હત્યાને સંપૂર્ણ પ્લાન સાથે અંજામ આપ્યો. દુબઇમાં રહેલો બિકરીવાલ ISI અને ખાલિસ્તાની આતંકીઓની વચ્ચે એક બ્રિજની જેમ કામ કરી રહ્યો છે.
ઉલ્લેખનીય છે કે છેલ્લા ઘણા લાંબા સમયથી ખાલિસ્તાની આતંકીઓ પર કડક કાર્યવાહી કરવામાં આવી રહી છે. ભારતની સુરક્ષા એજન્સીઓને ગુરુવારે સૌથી મોટી સફળતા મળી છે. દિલ્હી પોલીસે ડિસેમ્બરની શરુઆતમાં પાંચ આતંકીઓની ધરપકડ કરી હતી. જેની પુછપરછમાં બિકરીવાલને લઇને આ મોટો ખુલાસો થયો હતો.
બિકરીવાલના કહેવા પર બલવિંદર સંધુની કરાઇ હતી હત્યા
દિલ્હીમાં ડિસેમ્બરમાં ધરપકડ કરાયેલા આતંકીઓએ પંજાબમાં પોલીસ અધિકારી બલવિંદર સંધુની હત્યા કરી હતી. ત્રણેય આરોપીએ આ વાતને પુછપરછમાં કબૂલાત કરી હતી કે તેઓએ સંધુની હત્યા માટે સુખ બિકરીવાલે દુબઇથી હુકમ કર્યો હતો.
દુબઇમાં વેશપલટો કરી રહેતો હતો
દુબઇમાં રહેવા દરમિયાન બિકરીવાલે પોતાનો વેશ પલટો કર્યો હતો. પોતાની દાઢી પણ વધારી લધી હતી. સૂત્રોને મળતી જાણકારી મુજબ દિલ્હીમાં પકડાયેલા આતંકીઓના ખુલાસા બાદ દુબઇ સ્થિત સુખ બિકરીવાલના ફલેટ પર દરોડો પાડી તેની ધરપકડ કરવામાં આવી.