PM મોદી વિરુદ્ધ દિલ્હી શહેરમાં હજારો પોસ્ટર લગાવવામાં આવ્યા હતા, જે બાદ પોલીસે અલગ-અલગ વિસ્તારોમાં લગભગ 100 FIR નોંધી છે. પોસ્ટરની લિંક આમ આદમી પાર્ટી સાથે સંબંધિત છે.
દિલ્હીમાં PM મોદી વિરુદ્ધ 'વાંધાજનક' પોસ્ટર
100 FIR અને 6 લોકોની કરાઈ ધરપકડ
પ્રિન્ટિંગ પ્રેસના માલિકોની ધરપકડ
વડાપ્રધાન નરેન્દ્ર મોદીના વાંધાજનક પોસ્ટર લગાવવા મામલે દિલ્હી પોલીસે 100 FIR નોંધી છે. રિપોર્ટ્સ અનુસાર, આ પોસ્ટરો પર લખવામાં આવ્યું હતું કે, "મોદી હટાઓ-દેશ બચાવો." દિલ્હી પોલીસના સ્પેશિયલ સીપી દીપેન્દ્ર પાઠકે જણાવ્યું કે, વડાપ્રધાન નરેન્દ્ર મોદી વિરુદ્ધ આખા શહેરમાં વાંધાજનક પોસ્ટર લગાવવામાં આવ્યા હતા, જેને લઈને હવે ઝડપી કાર્યવાહી કરવામાં આવી રહી છે. તેમણે કહ્યું કે, આ (વાંધાજનક) પોસ્ટરમાં પ્રિન્ટિંગ પ્રેસની કોઈ જાણકારી નથી.
Delhi Police registered 100 FIRs while 06 people were arrested for objectionable posters incl those against PM Narendra Modi across city. Posters didn't have details of the printing press. FIR filed under sections of Printing Press Act & Defacement of property Act: Special CP…
6 લોકોની કરાઈ ધરપકડ
દીપેન્દ્ર પાઠકે જણાવ્યું કે, અત્યાર સુધીમાં છ લોકોની ધરપકડ કરવામાં આવી છે. જણાવી દઈએ કે, આ પોસ્ટરોની લિંક આમ આદમી પાર્ટી સાથે સંબંધિત છે. દીપેન્દ્ર પાઠકે જણાવ્યું કે, આમ આદમી પાર્ટીના કાર્યલયમાંથી નીકળતાની સાથે જ પોલીસ દ્વારા એક વાનને અટકાવવામાં આવી હતી, જેમાંથી ઘણા પોસ્ટરો જપ્ત કરવામાં આવ્યા હતા અને સ્થળ પર જ કેટલાકની ધરપકડ પણ કરવામાં આવી હતી. તેમણે કહ્યું કે પ્રિન્ટિંગ પ્રેસ એક્ટ અને મિસ એપ્રોપ્રિએશન ઑફ પ્રોપર્ટી એક્ટની કલમો હેઠળ FIR નોંધવામાં આવી છે.
Delhi | A van was also intercepted as soon as it left the AAP office. Few posters were seized & arrests were made: Special CP Deependra Pathak to ANI
હજારો પોસ્ટરો હટાવાયા
રિપોર્ટ અનુસાર, સમગ્ર દિલ્હી શહેરમાંથી લગભગ 2000 પોસ્ટરો હટાવી દેવામાં આવ્યા છે. સ્પેશિયલ સીપી દીપેન્દ્ર પાઠકે જણાવ્યું કે, AAPના કાર્યાલયમાંથી નીકળતી જે વાનને અટકાવવામાં આવી હતી, તેમાંથી એક વ્યક્તિની ધરપકડ કરવામાં આવી હતી, જેણે કહ્યું હતું કે તેના માલિકે તેને અહીં પોસ્ટર પહોંચાડવાનું કહ્યું હતું. દીપેન્દ્ર પાઠકે જણાવ્યું હતું કે તેણે એક દિવસ પહેલા પણ પોસ્ટર વિતરિત કર્યા હતા.
50-50 હજાર પોસ્ટરોનો અપાયો હતો ઓર્ડર
પોલીસના જણાવ્યા અનુસાર, બે પ્રિન્ટિંગ પ્રેસને 50-50 હજાર પોસ્ટર બનાવવાનો ઓર્ડર આપવામાં આવ્યો હતો અને આ પ્રિન્ટિંગ પ્રેસ સાથે જોડાયેલા કર્મચારીઓએ રવિવારે મોડી રાતથી સોમવાર સવાર સુધી વિવિધ વિસ્તારોમાં પોસ્ટરો લગાવ્યા હતા. પોસ્ટરો પર તેમના પ્રિન્ટિંગ પ્રેસનું નામ પ્રકાશિત ન કરવા બદલ માલિકોની ધરપકડ કરવામાં આવી છે.