નિડરતા / દિલ્હી હિંસા : પિસ્તોલથી ફાયરિંગ કરનાર યુવકને લાકડી વડે રોકનાર આ પોલીસ કોન્સ્ટેબલ કોણ?

• પોલિસ કોન્સ્ટેબલે લાકડીથી ફાયરિંગ કરનારને રોક્યો
• યુવક ટોળા સાથે ફાયરિંગ કરતો કરતો ધસી આવ્યો
• કોન્સ્ટેબલે કહ્યું પબ્લિકનો જીવ બચાવવો એ અમારી ફરજ

લાકડીથી ફાયરિંગ કરનારને રોકવાનો પ્રયાસ કરી રહ્યો હતો

નોર્થ ઈસ્ટ દિલ્હીના મૌજપુર, બાબરપુર, ગોકુલપુરી, ભજનપુરા સહિત અનેક જગ્યાએ હિંસા વધારે છે. આ હિંસાના અનેક વીડિયો વાયરસ થઈ રહ્યાં છે. ત્યારે એક એવી ઘટનાનો વીડિયો સામે આવ્યો છે. જેમાં અસામાજિક તત્વોનું ટોળુ પોલીસની સામે દોડ્યું આવ્યું હતું. જેમાંથી એક યુવકના હાથમાં પિસ્તોલ હતી અને પોલીસ કોન્સ્ટેબલ હાથમાં રહેલી લાકડીથી તેને રોકવાનો પ્રયાસ કરી રહ્યો હતો. તેઓ નિડર રહી ઉભા રહ્યાં હતા. તેને ગોળી મારી દેવાની ધમકી પણ બંદૂકધારીએ આપી હતી. આ કોન્સ્ટેબલ એટલે કે દિપક દહિયા. 

અમારે પબ્લિકનો જીવ બચાવવાનો હતોઃ કોન્સ્ટેબલ

આ અંગે વાત કરતા દિપક દહિયાએ જણાવ્યું હતું કે છોકરો ફાયરિંગ કરતા સામે આવ્યો હતો. બીજા લોકો તેની સામે ન આવી જાય એટલે હું તેમને રોકી રહ્યો હતો.’ જ્યારે તેમને આ ગોળી તમને પણ વાગી શકતી હતી એવો સવાલ પૂછવામાં આવ્યો ત્યારે તેમણે કહ્યું હતું કે અમારે પબ્લિકનો જીવ બચાવવાનો હતો. અમને વાગી જશે એ તો પછીની વાત છે. પહેલા તો જેના માટે નોકરી કરી રહ્યાં છીએ એ જરુરી છે. 

દિપક નીડર રહીને તેને ડંડાથી હટાવવાનો પ્રયાસ કર્યો હતો

દિપકે વધુમાં પુછતા જણાવ્યું હતું કે યુવક ગોળી મારી દેવાની ધમકીથી ડરાવી રહ્યો હતો. દીપકને ધમકી આપી રહ્યો હતો કે પાછો હટ નહીંતર ગોળી મારી દઈશ. યુવકની પાછળ પણ ટોળું હતુ. જોકે દિપક નીડર રહીને તેને ડંડાથી હટાવવાનો પ્રયાસ કર્યો હતો.