દિલ્હી પોલીસને મોટી સફળતા મળી છે. પોલીસે 2500 કરોડના ડ્રગ્સનો પર્દાફાશ કર્યો છે. જેમા કુલ 4 આરોપીઓને પોલીસે ઝડપી પાડ્યા છે.
દિલ્હી પોલીસે 350 કિલો હિરોઈન મળી આવી
2500 કરોડના ડ્રગ્સનો પર્દાફાશ
સમગ્ર મામલે 4 આરોપીઓની કરી ધરપકડ
દિલ્હી પોલીસ દ્વારા 2500 કરોડના ડ્રગ્સનો પર્દાફાશ કરવામાં આવ્યો છે. સમગ્ર મામલે પોલીસે 4 આરોપીઓની ધરપકડ કરી છે. આરોપીઓ પાસેથી પોલીસને કુલ 350 કિલોની હેરોઈન મળી આવી જેની કુંલ કિંમત 2500 કરોડ થાય છે. ઝડપાયેલા આરોપીઓ ડ્રગ્સ ક્યાથી લાવ્યા હતા તેમજ કોને સપ્લાય કરવાના હતા તે મામલે પોલીસે તપાસ આરંભી છે.
ત્રણ આરોપીઓ હરિયાણાથી ઝડપાયા
ચાર આરોપીઓ પૈકી પોલીસે ત્રણ આરોપીઓને હરિયાણાથી ઝડપી પાડ્યા છે. જ્યારે અન્ય એક આરોપીની દિલ્હીથી ધરપકડ કરવામાં આવી છે. હાલ પોલીસ તેમની પૂછપરછ કરી રહી છે. જોકે આરોપીઓની પૂછપરછમાં મોટું રેકેટ બહાર આવશે તેવી શક્યતા સેવાઈ રહી છે.
2500 કરોડની 350 કિલો હિરોઈન જપ્ત
દિલ્હી પોલીસની સ્પેશિયલ સેલ ટીમ દ્વારા અત્યાર સુધીમાં સૌથી મોટા પ્રમાણમાં જથ્થો ઝડપી પાડવામાં આવ્યો છે. 350 કિલો હિરોઈનની કુલ કિંમત 2500 કરોડ હોવાનું સામે આવ્યું છે. આ સમગ્ર કેસ નાર્કો ટેરેરિઝમ સાથે જોડાઈ શકે છે. જેથી નાર્કો ટેરેરિઝમના એંગલ પર હાલ તપાસ કરવામાં આવી રહી છે.
અગાઉ 125 કિલો હિરોઈન મળી હતી
ઉલ્લેખનીય છે કે અગાઉ દિલ્હી પોલીસે 125 કરોડની હિરોઈન સાથે 2 અફઘાનિસ્તાનીઓની પોલીસે ધરપકડ કરી હતી. બંને આરોપીઓ પતિ પત્ની હોવાનું સામે આવ્યું હતું. આ મામલે પોલીસને તેમના બાતમીદારો દ્વારા માહિતી મળી હતી. બાતમીને આધારે પોલીસે કાર્યવાહી આરંભી બંનેને ઝડપી પાડ્યા હતા.
અમદાવાદમાં પણ આજે એક પેડલરની ધરપકડ
ઉલ્લેખનીય છે કે આજે અમદાવાદમાં પણ એક શખ્સની એમડી ડ્રગ્સ સાથે ધરપકડ કરવામાં આવી છે. જે આરોપીની અમદાવાદ પોલીસે ધરપકડ કરી છે તે દિલ્હીથીજ ડ્રગ્સ લઈને આવ્યો હતો. આરોપી પાસેથી પોલીસને 95 ગ્રામ MD ડ્રગ્સ મળી આવ્યું છે. અમદાવાદમાં ઝડપાયેલો આરોપી પણ દિલ્હીથી ડ્રગ્સ લઈને આવ્યો હતો. જેથી દિલ્હીમાં જે કરોડોનું ડ્રગ્સ ઝડપાયું છે. તે કેસમાં અમદાવાદમાં ઝડપાયેલો આરોપી પણ સંડોવાયેલ હોઈ શકે છે.